कोभिड–१९ः मृत्यु हुनेको संख्या ८२ हजार नाघ्यो, १४ लाख ३१ हजार संक्रमित(अपडेट)

90
  •  
  •  
  •  

काठमाडौं । विश्वभर महामारीका रुपमा फैलिएको कोरोना भाइरस(कोभिड–१९)का कारण मृत्यु हुनेको संख्या ८२ हजार एक सय ४५ पुगेको छ ।

जोन हप्किन्स विश्वविद्यालयका अनुसार संक्रमितको संख्या १४ लाख ३१ हजार ३ सय ७५ पुगेको छ । त्यस्तै तीन लाख एक हजार चार सय १७ जना निको भएका छन् ।

मृत्यु हुनेमा सबैभन्दा धेरै इटलीका रहेका छन् । इटालीमा मृतक हुनेको संख्या १७ हजार एक सय २७ पुगेको छ । यहाँ संक्रमितको संख्या एक लाख ३५ हजार पाँच सय ८६ पुगेको छ । स्पेनमा मृतक संख्या १४ हजार ४५ पुगेको छ भने संक्रमितको संख्या एक लाख ४१ हजार नौ सय ४२ पुगेको छ ।

संयुक्त राज्य अमेरिकामा मृतक संख्या १२ हजार ८ सय ४४ पुगेको छ भने संक्रमितको संख्या ३ लाख ९८ हजार एक सय ८५ पुगेको छ । न्युयोर्कमा मात्र मृतक संख्या पाँच हजार पुगेको छ । यहाँ मंगलबार एकै दिन ७ सय ३१ जनाको मृत्यु भएको छ । गभर्नर एन्ड्रयु कुमोकाअनुसार मंगलबारसम्म न्युयोर्कमा मृत्यु हुनेको संख्या पाँच हजार चार सय ८९ पुगेको छ । संक्रमितको संख्या भने एक लाख ३८ हजार आठ सय ३६ पुगेको छ ।

फ्रान्समा मृतक संख्या १० हजार ३ सय २८ पुगेको छ भने संक्रमितको संख्या एक लाख १० हजार ७० पुगेको छ । स्वास्थ्य मन्त्रालयले आफ्नो दैनिक प्रेस ब्रिफिङमा बताएअनुसार सात हजार ९१ जनाको अस्पतालमा र तीन हजार दुई सय ३७ जनाको केयर हाउसमा मृत्यु भएको हो ।

फ्रान्सको अस्पतालमा हाल करिब ३० हजार जना उपचाररत छन् । जसमा सात हजार भन्दा बढी गम्भीर अवस्थाका छन् । बितेको २४ घण्टामा फ्रान्समा छ सय सात जनाको मृत्यु भएको छ ।

बेलायतमा मृतक संख्या ६ हजार एक सय ७० र संक्रमितको संख्या ५५ हजार हजार नौ सय ४९ पुगेको छ ।


  •  
  •  
  •