कैलाली, ४ साउन (ओएनएस) : नेपाली कांग्रेसका वयोवृद्ध नेता खेमराज जोशीको कैलालीको मोहनपुरस्थित आफ्नै निवासमा ८९ वर्षको उमेरमा मंगलबारराती निधन भएको छ ।
विसं २००७ मा प्रजातन्त्र स्थापनाका लागि कांगे्रसको नेतृत्वमा भएको जनक्रान्तिमा सुदूरपश्चिममा रहेर जोशीले नेतृत्वदायी भूमिका निभाएका थिए । त्यसपछि पनि प्रजातन्त्र स्थापना र पुनःस्थापनाका लागि पटक–पटक भएका आन्दोलनका क्रममा उनले सक्रिय सहभागिता जनाएका थिए ।
आन्दोलनका क्रममा उनले पटक–पटक जेलमा बन्दी जीवन समेत बिताएका जोशीका चार छोरा र दुई छोरी छन् । जोशीको महाकाली नदीको घाटमा आज अन्तिम संस्कार गरिएको छ ।
