कांग्रेसले भन्यो‘उपनिर्वाचनमा धाँधली भयो’(विज्ञप्तिसहित)

52
  •  
  •  
  •  

काठमाडौं । प्रमुख प्रतिपक्षी दल नेपाली कांग्रेसले उपनिर्वाचनमा धाँधली भएको आरोप लगाएको छ । शनिबार साँझ कांग्रेस मुख्य सचिव कृष्णप्रसाद पौडेलले एक विज्ञप्ति जारी गरि वर्तमान सरकारको उपनिर्वाचन समेत धाँधलीरहित वातावरणमा सम्पन्न गर्न नसकेको बताए ।

 

‘निर्वाचनलाई स्वतन्त्र, निष्पक्ष एवं भय र धाँधली रहित वातावरणमा सम्पन्न गराउने प्रमुख दायीत्व सरकारको हो । नेपाली काँग्रेसले विगतमा आफ्नो संभावित पराजयको आंकलन गरिरहँदा पनि निष्पक्ष निर्वाचन सम्पन्न गराएको थियो । तर वर्तमान सरकारको भूमिका निश्चीत स्थानका उप निर्वाचनमा समेत त्यो ढंगको हुन नसक्नु दुःखद त छ नै हाम्रो लोकतान्त्रिक अभ्यासको भविष्यका लागि समेत प्रतिकुल देखिएको छ,’ विज्ञप्तिमा भनिएको छ ।
कांग्रेसले मतदाता र उपनिर्वाचनमा खेटेका कर्मचारीलाई धन्यवाद समेत दिएको छ । यता सरकार पक्षबाट आफ्नो पार्टीलाई विजय गराउने ध्याउन्नमा सत्ताको दुरुपयोग कांग्रेस सभापति शेरबहादुर देउवाको ठहर रहेको विज्ञप्तिमा उल्लेख छ । देउवाले प्रतिकुल वातावरणमा मतदानमा सहभागी सवै मतदाताप्रति आभार प्रकट गरेका छन् ।

मतगणना लगायतको बाँकी कार्य व्यवस्थित र पारदर्शी ढंगले सम्पन्न गराउन निर्वाचन आयोगलाई देउवाले आव्हान गरेको जनाइएको छ ।

हेर्नुहोस् विज्ञप्ति


  •  
  •  
  •