काठमाडौं, १३ मंसिर(ओएनएस) । नेपाली कांग्रेसका जिल्ला सभापतिहरुको भेला बिहीबार सकिँदैछ । नुवाकोटको ककनीमा जारी भेला आसन्न महासमिति बैठकका लागि सभापतिहरुका तर्फबाट पेश गरिने एजेण्डा तय गरेर सकिन लागेको हो ।
नुवाकोट कांग्रेस सभापति जगदीशनरसिंह केसीले विधानका अधिकांश विषयमा साझा धारणा बनाएर केन्द्रीय कार्यसमितिमा सुझाव पठाइने बताए ।
महासमिति बैठक मंसिर २८ देखि पुस ३ सम्म राजधानीमा हुँदैछ । भेलामा सहभागी कांग्रेस सभापतिहरुले केन्द्रीय कार्यसमितिमा प्रस्तुत विधान संशोधन मस्यौदाप्रति अधिकांश जिल्ला सभापतिले असन्तुष्टि जनाएका छन् ।
