नेपाल सिइओ सम्मेलनको तयारी अन्तिम चरणमा

343
  •  
  •  
  •  

काठमाडौं, २५ फागुन (ओएनएस) : नेपालमै पहिलो पटक आयोजना हुन लागेको नेपाल सिइओ समिट तथा अवार्ड २०१८ कार्यक्रमको सम्पूर्ण तयारी अन्तिम चरणमा पुगेको आयोजकले जनाएको छ।

अगामी फाल्गुण ३० गते काठमाडौँको होटल सोल्टीमा आयोजना हुन लागेकोे कार्यक्रममा नेपाल लगायत १७ देशका करिब ३ सय अर्थ तथा ब्यवसाय जगतका सिइओहरुको सहभागीता हुनेछ। सफल सिईओ, चेयरपर्सन, डाइरेक्टर तथा म्यानेजिङ डाइरेक्टरहरु कार्यक्रममा सहभागी हुने आयोजकले जनाएको छ ।

कार्यक्रममा सहभागी हुन नेपालका बिभिन्न जिल्लाबाट सहभागीको आवेदन आउने क्रम जारी रहेकाले अनलाईन रजिस्टे«न केहि दिन सम्मका लागी खुल्ला राखिने आयोजकले जानकारी दिएको छ ।

पपुलर सिइओ अफ दि इयरका लागी भोटिङ्ग कार्य चलिरहेको र भोटिङ्ग फाल्गुन ३० गते साँझ ६ बजेसम्म गर्न सकिने ब्यवस्था मिलाइएको र अनलाईन भोटिङ्ग ५० प्रतिशत तथा मोवाइल भोटिङ्ग ५० प्रतिशत गरि सर्वाधिक भोट पाउने ब्यक्तिलाई अवार्ड प्रदान गरिने पद्मा मिडिया गु्रपका कार्यकारी निर्र्देशक डम्वर शाहुले जानकारी दिए।

अर्थ बजारमा अहिले पपुलर सिइओ अफ दि इयर बिधाका लागी नेपाल बिद्युत प्राधिकरणका प्रबन्ध निर्देशक कुलमान घिसिङ्ग देखी उद्योगी ब्यवसायी उपेन्द्र महतो तथा सफल बैंकर्स अनिल शाह लगायतकोे प्रतिस्पर्धाले चर्चा पाईरहेको छ । अन्य ५ बिधाको अवार्डका लागी भने जूरी कमिटीले छनौठ कार्य गरिरहेको छ ।

आफुलाई मन परेको ब्यक्तीलाई अनलाईनमा https://nepalceosummit.com/ceopopularchoice/ गई भोट गर्न सकिनेछ र एस.एम.एस. मार्फत ऋभ्इ स्पेस छोडी भोट गर्न चाहेको नोमिनिको कोड टाईप गरि ३३००१मा एस.एम.एस. गर्न सकिनेछ । साथै कार्यक्रममा सहभागी हुन http://nepalceosummit.com/participation/ नाम दर्ता गर्न सकिनेछ।


  •  
  •  
  •