काठमाडौँ, १ चैत्र(ओएनएस) : कांग्रेसको १३ औं महाधिवेशनमा प्रदेशतर्फको नतिजा पनि सार्वजनिक भएको छ ।
सोमबार साँझ मतगणनाको काम सकिएपछि सार्वजनिक मतपरिणामअनुसार ७ वटै प्रदेशको नतिजा सार्वजनिक भएको हो । सात वटै प्रदेशमा सभापति शेरबहादुर देउवा र रामचन्द्र पौडेल प्यानलका बराबर १-१ जना निर्वाचित भएका छन् ।
निर्वाचन समितिका अनुसार १ नम्बर प्रदेशबाट गुरुराज घिमिरे र भीष्मराज आङ्देम्बे, २ नम्बर प्रदेशबाट आनन्दप्रसाद ढुंगाना र रमेश रिजाल, ३ नम्बर प्रदेशबाट नविन्द्रराज जोशी र मोहनबहादुर बस्नेत विजयी भएका छन् ।
४ नम्बर प्रदेशबाट गोविन्द भट्टराई र सुरेन्द्रराज पाण्डे, ५ नम्बर प्रदेशबाट दीपक गिरी र देवेन्द्रराज कँडेल, ६ नम्बर प्रदेशबाट हृदयराम थानी र जीवनबहादुर शाही र ७ नम्बर प्रदेशबाट दिलेन्द्रप्रसाद बडु र बीरबहादुर बलायर निर्वाचित भएका छन् ।
