काठमाडौँ, २५ चैत(ओएनएस) : नेपाली कांग्रेस संसदीय दलको कार्यसमिति चयनका लागि आज मनोनयन दर्ता भइरहेको छ ।
कार्यसमिति सदस्यका लागि उम्मेदवारी दर्ता गर्नका लागि आझ बिहान ११ बजेदेखि अपरान्ह १ बजेसम्मका लागि समय तोकिएको छ । आजै साँझ ५ बजे उम्मेदवारहूरूको अन्तिम नामावली प्रकाशन गरिने कांग्रेस निर्वाचन समितिले जनाएको छ ।
संशोधित विधान अनुसार समावेशी समानुपातिक सिद्धान्तका आधारमा २२ जना सदस्त रहनेछन् ।
यसअघि विकास क्षेत्र अनुसार सदस्य चयन हुने गरेकोमा कांग्रेसले नयाँ संविधान अनुसार प्रदेशका आधारमा सदस्य चयन हुने गरी विधान संशोधन गरेको हो ।
कार्यसमितिको निर्वाचनका लागि भोली विहान ९ देखि १२ बजेसम्म विद्युतीय प्रणाली मार्फत मतदानको कार्यतालिका रहेको कांग्रेसले जनाएको छ ।
