बुद्ध एयरले जेठदेखि कोलकाता उडान गर्ने

87
  •  
  •  
  •  

काठमाडौं, १ चैत्र फागुन(ओएनएस) : वायु सेवा प्रदायक कम्पनी बुद्ध एयरले आउँदो जेठ १३ गतेदेखि कोलकाता उडान गर्ने भएको छ ।

वैशाख २ गतेदेखि कोलकाता उडान भर्ने योजना बनाएको बुद्धले भारतमा लोकसभा चुनाव हुने भएकाले उडान समय परिवर्तन गरेको हो ।

चुनावले उडान मिति परिवर्तन भए पनि उडान समय तालिका भने परिवर्तन नभएको कम्पनीले प्रेस विज्ञप्तिमार्फत जानकारी गराएको छ ।

बुद्धले कोलकाता उडान एटीआर ७२–५०० जहाजले साताको नियमित तीन उडान भर्नेछ । उडान हरेक साताको सोमबार, बुधबार र शुक्रबार हुनेछ । भारतमा लोकसभा निर्वाचन यही अप्रिल ११ देखि मे १९ सात चरणमा सञ्चालन हुनेछ ।
भारतीय यात्रुका लागि बुद्ध एयरको भगिनी संस्था बुद्ध होलिडेजले विभिन्न धार्मिक तथा पर्यटकीय प्याकेज पनि सञ्चालन गर्नेछ ।

यसका लागि भारतमा डिजिटलका साथै अन्य माध्यमबाट पनि प्रचार–प्रसार गरिरहेकोे छ ।

नेपाली यात्रुहरुका लागि पनि कोलकाता टुर प्याकेज, गंगासागर तथा जग्गनाथपुरी दर्शन प्याकेज ल्याएको कम्पनीले जनाएको छ । बुद्ध एयरसँग अहिले ६ वटा एटीआर ७२–५००, तीन वटा एटीआर ४२–३२० र दुई वटाबीच क्राफ्ट जहाज सञ्चालनमा छन् ।


  •  
  •  
  •