काठमाडौ, २३ भदौ(ओएनएस) : अष्ट्रेलियाका विकेटकिपर ब्याटस्म्यान ब्राड ह्याडिन टेष्ट क्रिकेटबाट सन्यास लिएका छन् ।
३७ वर्षीय ह्याडिनले यही वर्षको सुरूवातमा एकदिवसीय क्रिकेटबाट सन्यास लिइसकेका थिए । ह्याडिनले सन् २००१ मा एकदिवसीय क्रिकेटबाट डेब्यू गरेका थिए । उनले ६६ वटा टेष्ट, १ सय २६ वटा एकदिवसिय र ३४ वटा टि-२० क्रिकेट खेलेका छन् ।
यही वर्षको जुलाइमा भएको एसेज टेष्टका क्रममा पिटर नेभलले ह्याडिनलाई प्रतिस्थापन गरेका थिए, जुन श्रृंकलामा अष्ट्रेलिया ३-२ ले पराजित भएको थियो ।
एसेजमा हार व्यहोरेपछि सन्यासको घोषणा गर्ने उनी चौथो अष्ट्रेलियन क्रिकेटर हुन् । यसअघि कप्तान माइकल क्लार्क, क्रिस रोजर्स र शेन वाट्सनले सन्यास लिएका थिए ।
