गच्छादारको पार्टीबाट ‘मधेसी’ हटाइने !

128
  •  
  •  
  •  

काठमाडौं १५ बैशाख । विजयकुमार गच्छादार नेतृत्वको मधेसी जनअधिकार फोरम नेपाल (लोकतान्त्रिक) को नाम परिर्वतन हुने भएको छ । बैशाख २०, २२ गते विराटनगरमा हुने प्रथम राष्ट्रिय अधिवेशनबाट पार्टीले ‘मधेसी जनअधिकार शब्दावली निकालेर नयाँ नाम जुराउने भएको  छ ।

अहिले नयाँ विधान मस्यौदा लेखनमा जुटेको पार्टीका लागि तीनवटा नाम केन्द्रीय समितिमा प्रस्ताव गरिएको महाधिबेशन प्रचार प्रसार उपसमिति संयोजक डा सुबोधराज पोखरेलले बताए ।

अहिलेको नामले पार्टीलाई तराई मधेस, त्यसमाथि एउटै समुदायमा मात्रै केन्द्रीत गरेजस्तो देखिएको भन्दै फोरम लोकतान्त्रिकले नाम परिवर्तन गर्न खोजेको हो । प्रथम राष्ट्रिय अधिवेशनबाट पार्टीले ‘मधेसी जनअधिकार ‘ शब्दावली निकालेर नयाँ नाम जुराउने भएको हो ।

संविधानसभाको चौथो शक्ति भएका कारण पनि आफ्नो पार्टी क्षेत्रीय पार्टी नभएको पार्टी अध्यक्ष विजयकुमार गच्छादारको दावी छ । त्यही अनुरुप पार्टीको नाम परिवर्तन गर्दे सवै क्षेत्रलाई समेट्नज खोजेको उनको तर्क छ ।
नागरिकबाट


  •  
  •  
  •