काठमाडौँ, २९ चैत(ओएनएस) : नेकपा एमालेसम्बद्ध अखिल नेपाल किसान महासंघको अध्यक्षमा एमाले उपाध्यक्ष वामदेव गौतम निर्वाचित भएका छन् ।
काठमाडौंमा सम्पन्न महासंघको छैठौं सम्मेलनले गौतमको नेतृत्वमा नयाँ कार्यसमिति गठन गरेको छ । महासंघको उपाध्यक्षमा हरि पराजुली तथा सहअध्यक्षमा केशवलाल चयन भएका छन् भने सात प्रदेशबाट ७ उपाध्यक्ष छन् ।
महासचिवमा बलराम बास्कोटा, उपमहासचिवमा डीबी कार्की र बाबुराम तथा सचिवमा लालबहादुर विश्वकर्मा र दाताराम खनाल चयन भएका छन् ।
