काठमाडौँ, (ओएनएस) : बागमती सफाइ अभियानले १३ चैतमा १५० औँ सप्प्ताह प्रवेश गर्यो । यस अवसरमा सफाइ अभियन्ताहरुले विभिन्न कार्यक्रम गरे ।
यही क्रममा ९ देखि १२ कक्षाका विद्यार्थीबीच ‘मेरो सपनाको बागमती’ शीर्षकमा चित्रकला र कविता प्रतियोगिता गरिएको थियो । कार्यक्रमका सहसंयोजक नरेन्द्रबहादुर श्रेष्ठका अनुसार, १८० वटा कविता र १६८ वटा चित्रकला प्राप्त भएका थिए । तीमध्ये उत्कृष्ट पाँच–पाँचजना ६ चैतमा पुरस्कृत भए ।
यही अवसरमा ३६ जना वरिष्ठ कलाकारको सहभागितामा अधिकारसम्पन्न एकीकृत बागमती सभ्यता आयोजनाको प्रांगणमा कला कार्यशाला आयोजना गरियो, १३ चैतमा । फोटो प्रदर्शनी पनि गरिएको थियो ।
राष्ट्रपति विद्यादेवी भण्डारीले बाल उद्यान र कला कार्यशालाको उद्घाटन गरिन् । कार्यक्रम देवीप्रसाद घिमिरेको संयोजकत्वमा भएको थियो ।
उक्त कार्यक्रममा समावेश भएका केही सिर्जना र सर्जकहरूका तस्बिर यस प्रकार छन्–
तस्बिरहरू : नरेन्द्रबहादुर श्रेष्ठ
