बडादशैँको आज सातौँ दिन, घरघरमा फूलपाती भित्र्याइँदै

86
  •  
  •  
  •  

काठमाडौं । बडा दशैँको सातौँ दिन अन्तर्गत आज फुलपाती हिन्दु नेपालीहरुले घरघरमा फूलपाती भित्र्याउँदैछन् ।

दुर्गा भवानीको प्रतिमा राखिएको दशैँघरमा फूलपातीको शुभसाइतका रुपमा उखु, अदुवा, केराको बोट, धानको बाला, बेलपत्र, दारिम, जयन्ती, अशोकको फूल तथा अन्य नयाँ पालुवासमेत विधिपूर्वक भित्र्याइन्छ । फूलपाती गोरखा दरबारबाट धादिङको जीवनपुर हुँदै काठमाडौंको जमलसम्म ल्याउने गरिन्छ ।

गुरुज्यूको पल्टन, नेपाली सेना, नेपाल प्रहरी, निजामती सेवाका उच्चपदस्थ अधिकारीहरु, आशागुर्जा टोली, ब्यान्डबाजा, पञ्चेबाजा, सिङगारिएका कल्स्यौडीहरु र सांस्कृतिक नाचगानसहितको लावालस्करले जमलमा ल्याइएको फूलपातीलाई हर्षबढाइँका साथ हनुमानढोकामा भित्र्याउँने चलन छ ।

घटस्थापनाका दिनदेखि नै दशैँ शुरु हुने भए यो वर्ष भने कोरोना भाइरसका कारण चहल पहल छैन् । फूलपातीदेखि सरकारी कार्यालय पनि बन्द हुने छन् ।

हर्षबढाई नहुने

दशैंको फुलपातीको दिन नेपाली सेनाले टुडिखेलमा भब्य कार्यक्रम आयोजना गरी हर्ष बढाई गर्छ । त्यसक्रममा देशभर शक्तिपिठहरुमा पूजाआजा समेत हुने गर्छ । तर, कोरोना भाइरसको बढ्दो संक्रमणका कारण यो वर्षको दशैं साविकमा जस्तै भएकाे छैन ।

त्यसकारण फूलपाती बढाइँ धर्म, संस्कृति र परम्परालाई निरन्तरता दिन सांकेतिकरूपमा मात्र आयोजना गरिने भएको छ ।

कोभिड–१९ को संक्रमणबाट सिर्जित परिस्थितिका कारण हर्षोल्लासका साथ नभई धर्म, संस्कृति र परम्परालाई जीवन्तता दिन प्रतीकात्मकरूपमा मात्र बढाइँ गरिने सैनिक प्रवक्ता सन्तोषवल्लभ पौडेलले नेपालको राष्ट्रिय समाचार समितिलाई जानकारी गराएका छन् । यो वर्ष फूलपाती आगामी कात्तिक ७ मा परेको छ ।

स्वास्थ्यसम्बन्धी सम्पूर्ण मापदण्ड पूरा गरी मौलिक चाडबाडलाई निरन्तरता दिने उद्देश्यले पहिलाको तुलनामा सांकेतिकरूपमा मात्र बढाइँ कार्यक्रम सञ्चालन गरिने योजना बनाएको पौडेलले बताएका छन् ।

यसअघि बढाइँमा पूर्व, पश्चिम र दक्षिणपाटाबाट ८४्८४ जनाको गुल्मले बढाइँ गर्थ्यो । यस पटक सामाजिक दूरी कायम गरी २५२५ जनामा सीमित गरिएको छ । बढाइँ कार्यक्रममा प्रमुख अतिथिका रुपमा राष्ट्रपति सहभागी हुने परम्परा छ ।

विगतमा जस्तै लामो कार्यक्रम आयोजना हुने छैन । छोटो बढाइँ र टुकडीले सैनिक व्याण्ड प्रदर्शन गर्ने छ । विगतमा सेनाबाहेक एक हजार २०० को संख्यामा पाहुना बोलाएर टुडिखेलमा कार्यक्रम हुन्थ्यो । यो वर्ष सेनासहित मात्र १ सय जना पाहुना सहभागी हुनेछन् ।


  •  
  •  
  •