‘फूलको आँखामा फूलै संसार’ बोलको गीतबाट आफूलाई सबैमाझ चिनाउन सफल भएकी आनी छोइङ डोल्माले आगामी अप्रिल १ तारिखमा वाशिंटन डिसीमा सांगीतिक कार्यक्रम गर्ने भएकी छन् ।
सो कार्यक्रम गर्नका लागि उनी वासिंटन पुगिसकेकी छन् । उनले सांगीतिक कार्यक्रमका लागि देशबाट टाढा अमेरिका पुगेर गीत गाउने अवसर पाएकोमा खुसी भएको बताएकी छन् । उनले विदेशमा नेपाली समुदायका बीच गीत गाउन पाउँदा आनन्द लागेको भन्दै आफुले गर्ने कार्यक्रममा नेपाली समुदायको उपस्थिति देखेर उत्साह जाग्ने गरेको उल्लेख गरेकी छन् ।
यसक्रममा आध्यात्मिक चिन्तनका कुरा पनि सुनाउन चाहेको भन्दै यसबाट पनि आफूलाई आनन्दको अनुभूति हुने उनको भनाई छ ।
