फिलिपिन्समा कमुरी आँधीले दुई लाख बढी प्रभावित

77
  •  
  •  
  •  

एजेन्सी । फिलिपिन्समा कमुरी आँधीले दुई लाख बढी मानिस प्रभावित भएका छन् । लुजोन टापुको दक्षिणी क्षेत्रबाट सुरु भएको आँधी देशको मध्य क्षेत्रतर्फ अघि बढेको छ ।

आँधीका कारण राजधानी मनिलामा रहेको अन्तर्राष्ट्रिय विमानस्थललगायत सार्वजनिक यातायात पनि अवरुद्ध भएको अन्र्तराष्ट्रिय सञ्चारमाध्यमले जनाएका छन् ।

आँधीपछि बाढी र पहिरो आउने सम्भावना देखिएपछि हजारौं आँधी प्रभावित क्षेत्रमा रहेका विद्यालय तथा सरकारी कार्यालयहरु बन्द गरिएको छ ।

एक सय ७५ किलोमिटर प्रतिघण्टाको रफ्तारमा आएको आँधीले थुप्रै घरका छाना उडाएको छ ।
फिलिपिन्समा हरेक वर्ष आँधीले दुःख दिने गरेको छ । आँधीका कारण हजारौं मानिस प्रभावित हुने गरेका छन् ।


  •  
  •  
  •