मालतीले एकैसाथ तीन छोरी जन्माइन्

103
  •  
  •  
  •  

काठमाडौं २२ साउन ।
पन्देहीको खड्वा बनगाई–९ सिसैटोल निवासी २५ वर्षीया मालती मल्लाहले एकै प्रसव व्यथामा बिहीबार तिम्ल्याहा छोरी जन्माएकी छन् ।

युसिएमएस शिक्षण अस्पताल भैरहवामा अप्रेशन नगरी जन्मेका तीनै शिशुको स्वास्थ्य राम्रो रहेको अस्पतालका जनसम्पर्क प्रमुख सुशील गुरुङले जानकारी दिए ।

विहान ९ बजेर २४, ४४ र ४६ मिनेटाम पुण स्वस्थ शिशु जन्मेका उनले बताए । पहिला जन्मेकी शिशुको तौल एक किलो ६७० ग्राम, दोस्रोको एक किलो ६२० ग्राम र तेस्रोको एक किलो ३७० ग्राम छ ।

सुत्केरी आमाले खानपिन, हिँड्डुल गरिरहेकी सासु कुश्मा मल्लाहले जानकारी दिइन् ।

अस्पतालका प्रसुति स्त्री तथा प्रसुति विभागीय प्रमुख प्रा.डा. शिवजी मिश्रा, डा. निलम सुवेदीको नेतृत्वमा नर्स पद्मा खनाल, सुमित्रा केसी संलग्न थिए । मालतीलाई आइतबार अस्पतालमा भर्ना गरिएको थियो ।
अन्नपूर्णपोष्टबाट


  •  
  •  
  •