भूमिगत रेलमार्ग निर्माणका लागि सहमति

553
  •  
  •  
  •  

काठमाडौं, २९ असोज (एजेन्सी) : उत्तर र दक्षिण कोरियाबीच सोमबार भूमिगत रेलमार्ग निर्माणका लागि सहमति भएको अन्तर्राष्ट्रिय सञ्चारमाध्यामले जनाएका छन् ।

सो निर्माणसम्बन्धी विशेष कार्यक्रम यसै वर्षको नोभेम्बरको अन्त्य या डिसेम्बरको पहिलो हप्ता उक्त स्थानमा आयोजना गरिने भएको छ । अन्तर्राष्ट्रिय सञ्चारमाध्याम अनुसार सो कार्यक्रमपछि यो रेलमार्ग निर्माण सम्बन्धी कार्यको शुरुआत गरिने पनि छ।

दुवै देशका प्राविधिकहरु र रेल सेवा विभागका अधिकारीहरुले गरेको स्थलगत निरीक्षणपछि सो सहमति भएको बताइएकाे छ । रेलमार्ग निर्माणका लागि स्थलगत निरीक्षण गर्नका लागि पनि शुरुमा दुई कोरियाबीच पत्राचार भएको समाचारमा जनाइएको छ ।

दुई कोरियाबीचको यो सहमति कोरियाली प्रायद्वीपमा रहेका पानमुन्जोम गाउँ र दक्षिण कोरियाली क्षेत्रमा रहेको शान्ति भवनमा भएका विभिन्न उच्चस्तरीय वार्तापछि भएको योन्हाप समाचार समितिले जानकारी दिएको छ ।


  •  
  •  
  •