काठमाडौं, २१ माघ (ओएनएस) : नयाँ बानेश्वरस्थित ग्लोबल आईएमई बैंकबाट रकम झिकेर निस्कने क्रममा एक महिलाको साथबाट १८ लाख रुपैयाँ लुटिएको छ ।
कलंकी निवास सरस्वती आचार्यको साथबाट लुटेराहरुले रकम लुटेका हुन् ।
नयाँ बानेश्वर प्रहरी बृत्तका अनुसार बैंकबाट पैसा झिकेर बाईक चढ्ने क्रममा आचार्यको साथमा रहेको पैसा भएको ब्याग लुटेराहरुले चोरेर भागेका थिए ।
लुटेराहरुको खोजी कार्य तीब्र रुपमा भैरहेको प्रहरीले जनाएको छ । यसैबीच प्रहरीले घटनमा संलग्न रहेको आशंकामा एक ब्यक्तिलाई पक्राउपछि रिहा गरेको छ ।
प्रहरीका अनुसार ती ब्यक्तिले पनि ग्लोबल आईएमईबाट पैसा झिकेका र साथमा ५० हजार रहेकोले घटनमा संलग्न नपाईएकोले छाडिएको हो ।
