नेपाली सेनालाई चीनकाे दुई अर्ब ५५ करोड सहायता

412
  •  
  •  
  •  

काठमाडाैं, ११ कात्तिक (अाेएनएस) :  चीनले नेपाली सेनालाई दुई अर्ब ५५ करोड रुपैयाँ सहायता उपलब्ध गराउने भएको छ।

चीन भ्रमणमा रहेका उपप्रधान तथा रक्षामन्त्री ईश्वर पोखरेल र चिनियाँ राज्यपरिषद सदस्य एवं रक्षामन्त्री वै फङहबीच शनिबार भएको भेटवार्तापश्चात् सहयोग सम्बन्धीत सम्झौतामा हस्ताक्षर भएको हो। सहयोग रकम विपद् व्यवस्थापन परिचालनमा खर्च गरिनेछ।

आगामी पाँच वर्षमा उक्त सहायता प्राप्त हुने बेइजिङस्थित नेपाली दूतावासले जनाएको छ।  दूतावासले जारी गरेको विज्ञप्तिअनुसार नेपालको उक्त अनुरोधप्रति सहमति जनाउँदै चीनले आपसी परामर्शमा सहयोगको विस्तृत विवरणलाई अन्तिम रुप दिइनेछ।

उपप्रधानमन्त्री पोखरेलले सैन्य प्रशिक्षण, मानवीय सहायता, विपद् व्यवस्थापन, चिकित्सा उपकरण, शान्ति सैन्य सञ्चालनलगायत पारस्परिक चासोका विषयमा छलफल गर्दै सहयोगको अपेक्षा गरे।

 


  •  
  •  
  •