काठमाडौं, १० जेठ (ओएनएस) : ललितपुर महानगरपालिकामा थोरै मत अन्तरका कारण थकथकीपूर्ण पराजय बेहोर्नुपरे पनि मतगणना भइरहेका अन्य महानगर र उपमहानगरपालिकामा लिएको अग्रता भने राहतयोग्य छ ।
मतगणनाको पछिल्लो अवस्था यस्तो छ—
काठमाडौँ महानगरपालिका
एमाले, विद्यासुन्दर शाक्य — ४१११५
कांग्रेस, राजुराज जोशी — २९२३०
विवेकशील नेपाली, रञ्जु दर्शना — १५१७२
साझा पार्टी, किशोर थापा — ११४८५
माओवादी केन्द्र, सर्वोत्तम डंगोल — ४५३८
भरतपुर महानगरपालिका
एमाले, देवी ज्ञवाली — २७९५५
माओवादी केन्द्र, रेणु दाहाल — २५२३७
राष्ट्रिय प्रजातन्त्र पार्टी, बद्री तिमिल्सिना — ३४१४
पोखरा लेखनाथ महानगरपालिका
एमाले, मानबहादुर जिसी — ३३८३२
कांग्रेस, रामजी कुँवर — २७४६६
राष्ट्रिय प्रजातन्त्र, गीता गुरुङ — ४५
हेटौडा उप-महानगरपालिका
एमाले, हरिबहादुर महत — २१५९३
कांग्रेस, आनन्द पराजुली — २१०८८
राष्ट्रिय प्रजातन्त्र पार्टी, मधु अधिकारी — ६७६०
यसैगरी, दोलखाको मेलुङ गाउँपालिकामा पनि मतगणना जारी छ । एमालेले अग्रता लिइरहेको यस गाउँपालिकाको पछिल्लो अवस्था यस्तो छ—
एमाले, नरबहादुर श्रेष्ठ — १४६२ मत
नेपाली कांग्रेस, बर्मा लामा — ११३६ मत
राष्ट्रिय प्रजातन्त्र पार्टी, पुष्प गोले — ० मत
यसैगरी, अहिलेसम्म निर्वाचन सम्पन्न भइसकेकामा एमालेले १२० एकाइको प्रमुख जितेको छ भने ५ वटामा अझै अगाडि छ । नेपाली कांग्रेसले १०४ स्थानमा जित हात पारेको छ र एक ठाउँमा उसको अग्रता छ ।
माओवादी केन्द्रले ४६ एकाइको नेतृत्व हात पारेको छ । त्यसैगरी राष्ट्रिय प्रजातन्त्र पार्टी, जनमोर्चा, नयाँ शक्तिले एकएक ठाउँ जितेका छन् ।