कामु प्रधानन्यायाधीश पराजुलीद्वारा काम सुरु

काठमाडौँ, २५ जेठ। वरिष्ठतम् न्यायाधीश गोपाल पराजुलीले बुधबारदेखि सर्वोच्च अदालतको कायममुकायम प्रधानन्यायाधीशको रुपमा जिम्मेवारी सम्हालेका छन् ।

प्रधानन्यायाधीश सुशीला कार्की मंगलबार ६५ वर्षे उमेर हदका कारण सेवानिवृत्त भएपछि वरिष्ठतम् न्यायाधीश पराजुलीले कायममुकायम प्रधानन्यायाधीशका रुपमा काम सुरु गरेका हुन्।

पराजुलीको उमेर, नाागरिकता र एसएलसी प्रमाणपत्र विवादका कारण न्यायपरिषदबाट उनको नाम सर्वसम्मत सिफारिस भने हुन सकेको छैन । प्रधानन्यायाधीश सुशीला कार्कीले न्यायपरिषद बैठक बोलाए पनि अन्य सदस्य र सचिवहरुले अटेर गरी कार्कीको कार्यकाल गुजारेका कारण पराजुलीको नाम सर्वसम्मत सिफारिस हुन नसकेको हो । न्यायपरिषद बैठकमा अन्य सदस्य र सचिव नआएपछि प्रधानन्यायाधीश कार्कीले प्रधानन्यायाधीशको निम्ति योग्यता पुगेका ६ जनाको नाम संवैधानिक परिषदमा सिफारिस गरेकी छन् ।

संवैधानिक परिषदले नियुक्तिका लागि सिफारिस गरी संवैधानिक सुनुवाई विशेष समितिमा पठाउनुपर्छ । प्रधानन्यायाधीशको नियुक्ति भने राष्टपतिले गर्ने व्यवस्था छ ।

भावी प्रधानन्यायाधीशमा ६ जनाको नाम सिफारिस

SHARE