का‌ंग्रेसले राष्ट्रपतिको लागि छनाेट गर्याे उम्मेदवार

237
  •  
  •  
  •  

काठमाडौं, २३ फागुन (अाेएनएस) : नेपाली कांग्रेसले राष्ट्रपतिकाे लागि उम्मेदवार छनाेट गरेकाे छ।

नेकपा एमालेले विद्यादेवी भण्डारीलार्इ उम्मेदवार बनाउने अाैपचारीक निर्णय गरेसँगै कांग्रेसले पूर्व केन्द्रीय सदस्य एवं पूर्वसभासद् लक्ष्मी राईलाई पार्टीका तर्फबाट उम्मेदवार बनाउने निर्णय गरेको छ।

काँग्रेस केन्द्रीय कार्यालय सानेपामा आज बसेको केन्द्रीय कार्यसमिति बैठकले शहीद देवानसिंह राईकी सुपुत्री राईलाई राष्ट्रपतिको उम्मेदवार बनाउने निर्णय गरेको कांग्रेसकाे सचीवालयले जानकारी दिएकाे छ।

बैठकमा उपराष्ट्रपति, सभामुख र उपसभामुख तथा राष्ट्रियसभाका अध्यक्ष र उपाध्यक्षको निर्वाचनमा पार्टीका तर्फबाट उम्मेदवारी दिने सम्बन्धमा छलफल भए पनि त्यसमा केही निर्णय हुन सकेन।

नेपालको संविधानअनुसार संघीय संसद्को गठनपछि राष्ट्रपति, उपराष्ट्रपति, सभामुख र उपसभामुख तथा राष्ट्रियसभाका अध्यक्ष र उपाध्यक्षको निर्वाचन हुन लागेको छ।

राष्ट्रपतिको निर्वाचन यही फागुन २९ गते हुने भएको छ । सो निर्वाचनका लागि आज उम्मेदवारी मनोनयन दर्ता गर्ने कार्यक्रम छ ।


  •  
  •  
  •