पेरिसमा अन्धाधुन्ध चक्कु आक्रमणबाट सात घाइते

32
  •  
  •  
  •  

काठमाडौं, २५ भदाैँ (एजेन्सी) : पेरिसमा अन्धाधुन्ध चक्कु आक्रमणबाट सात जना घाइते भएका छन्। आइतबार अबेर राति एक व्यक्तिले अन्धाधुन्ध चक्कु प्रहार गर्दा दुई जना बेलायती पर्यटक सहित सात जना घाइते भएका छन्। अन्तराष्ट्रिय सञ्चार माध्यमका अनुसार पीडितमध्ये चार जनाको अवस्था अत्यन्त गम्भीर रहेको छ ।

आक्रमणकारी अफगानी नागरिक रहेको अनुमान गरिएको छ र उनलाई प्रहरीले पक्राउ गरेको छ । उक्त घटना आतङ्ककारी हमला हो होइन भन्ने एकिन नभएको प्रहरीले जनाएको छ ।

पेरिसको उत्तरी इलाका बास्सिन डे ला भिलेट स्थानीयबासीका साथै पर्यटकहरुको राम्रै जमघट हुने स्थान हो । यहाँ बैंकहरु, कफी पसल, चलचित्र प्रदर्शन स्थल र अरु सांस्कृतिक स्थलहरु रहेका छन् ।

प्रत्यक्षदर्शी युसुफ नजाहले एकजना व्यक्ति २५–३० सेन्टिमिटर लामो चक्कु बोकेर दौडिएर मानिसहरुतिर आएको आफूले देखेको बताए । उनले भने,‘करिब २० जनाले त्यो व्यक्तिलाई लखेटेर समात्ने प्रयास गरिरहेका थिए।’ आक्रमणकारीलाई रोक्न सडकमा उभिएका केही व्यक्तिले प्रयत्न गरेपनि परिस्थिति डरलाग्दो बनेको थियो। –एएफपी


  •  
  •  
  •  

LEAVE A REPLY

Please enter your comment!
Please enter your name here