News

• युवासंगठनहरुको सिंहदरबार घेराऊ, सुरक्षाकर्मीको बाक्लो उपस्थिति

  • Posted on: 2012-08-10
  

  काठमाडौं,२६ साउन (ओएनएस):  प्रधानमन्त्रीको राजीनामा माग गर्दै आन्दोलन गरिरहेका विपक्षी दलका युवा संघ-सङ्गठनहरुले आज सिंहदरबार घेराउ गरिरहेका छन् ।  प्रधानमन्त्री सहित मन्त्रीहरुलाई छिर्न नदिने गरि  विपक्षी दलसम्बद्व युवा सङ्गठनहरुले मुलुकको मुख्य प्रशासनिक क्षेत्र सिंहदरवार घेराउ गर्ने तयारी गरेपछि सरकारले बाक्लो रुपमा सुरक्षाकर्मी परिचालन गरेको छ ।

   

   

  सिंहदरवारसँग जोडिएका सवै सडकहरुमा विहानैदेखि ठूलो संख्यामा प्रहरी तैनाथ गरिएको छ । राजनीतिक र संवैधानिक सङ्कट टार्नको लागि अहिलेको सरकारले राष्ट्रिय सहमतिको सरकार बनाउन बाटो खोल्नुपर्ने माग सहित विपक्षी दल निकट युवा सङ्गठनहरुले विहान नौंदेखि ११ बजेसम्म सिंहदरवार घेराउ गर्न लागेका हुन् ।

   

  निषेधित क्षेत्र नतोड्नेगरी वर्तमान सरकारको विरुद्वमा सिंहदरवार घेराउ गर्न लागिएको नेपाली काङ्ग्रेस निकट तरुण दलका अध्यक्ष उदयशम्शेर राणाले  जानकारी दिए ।  

   

  सिंहदरवार घेराउको लागि पुतली सडक, पद्यमोदय मोडमा नेपाल तरुण दल र नेपाल विद्यार्थी सङ्घले नेतृत्व गर्नेछन् भने माइतिघर मण्डला र बवरमहलमा युवा सङ्घ, नेपाल र अनेरास्ववियू, भद्रकालीमा अखिल क्रान्तिकारी, प्रगतिशील युवा सङ्घ, चुरेभावर युवा सङ्घ, अखिल –पाँचौ, अखिल (छैठौ), एकीकृत युवा सङ्घले नेतृत्व गर्ने तयारी गरेका छन् ।

Comments

Other News

• • 'थ्रेसहोल्ड'मा मध्यमार्गी बाटो खोज्न रेग्मीको सुझाव
  • एमाओवादी नेतृत्व गठबन्धनको बैठक बस्दै
  • एकता महाधिवेशनमा नेतृत्व विवाद मिलाउने प्रयास
  • कलाकारले खाए चार गोल
  • नेदरल्याण्डसको हेगमा बुद्धमुर्ति बन्ने
  • ‘उचित जिम्मेवारी नपाए माओवादी पनि छोड्छु’ : अर्याल
  • निर्वाचन कानुन लगत्तै मिति घोषणा : रेग्मी
  • हिम पहिरोमा पुरिएर ७ जना बेपत्ता
  • मालेले चार दलको भण्डाफोर अभियान चलाउने
  
• Show Older