News

• मृगौला रोगीहरु आमरण अनसनमा

  • Posted on: 2012-08-09

   

  काठमाडौ, २५ साउन (ओएनएस) : मृगौला रोगबाट ग्रस्त भएर पनि आर्थिक अवस्थाका कारण उपचार गराउन नसकेका रोगीहरु बिहीबारदेखि आमरण अनसनमा बसेका छन् । मृगौला रोगबाट ग्रस्त विरामीको निशुल्क उपचार र हेमोडायलासिसमा लाग्ने सम्पूर्ण खर्च निशुल्क गराउन सरकारलाई दवाव दिने उद्देश्यले उनीहरु आमरण अनसनमा बसेका हुन ।
   
   
  नेपाल किड्नी समाजका अध्यक्ष राजेश तुलाधरको नेतृत्वमा करिब ५० जना शान्ति बाटिकामा अनसन बसेका छन् । अनसनामा पत्रकार एवम मृगौला पिडित रमेश चालिसे पनि सहभागी छन । अनसनको उद्घाटन समारोहमा रिपोर्टर्स क्लब नेपालका तर्फबाट अध्यक्ष ऋषि धमलाले पनि एक्यबद्धता जनाउदै केही समय अनसनमा सहभागिता जनाएका थिए ।
   
  धमलाले किड्नी रोग गरिब नेपालीकोलागी आफै मृत्यू समान भएकोले सरकारले यस्ता रोगीको उपचारकोलागि सहजकर्ताको भूमिका निर्वाह गर्नु पर्ने बताए ।
  जनतालाई निशुल्क स्वास्थ्य सेवा उपलब्ध गराउनु राज्यको कर्तव्य भए पनि खर्चिलो र गरिब नेपाली जनताको पहुँच बाहिरको रोगको उपचारमा सरकारको ध्यान विशेष रुपमा जानु पर्ने धारणा उनले राखे । मृत्यु सैयामा पुगेका विरामीले आमरण अनसन बस्नु राज्यकोलागि लज्जास्पद भएको भन्दै सरकारले तत्काल उनीहरुको माग सम्बोधन गर्नु पर्ने उनको तर्क थियो ।
   
  उनले मृगौला रोगीको माग पुरा गराउन आफूले प्रधानमन्त्री, स्वास्थ्यमन्त्री र मृगौला रोगीवीच वार्ताको लागि भूमिका खेल्ने प्रतिबद्धता व्यक्त गरे ।  
  समाजले आर्थिक उपचारको लागि एकमुष्ट आर्थिक सहयोग गर्नु पर्ने, स्वेच्छाले अंगदान गर्न पाउनु पर्ने, ब्रेन डेथ भएकाहरुको मृगौला निकाली प्रत्यरोप गर्ने व्यवस्था गरिनु पर्ने, प्रत्येक जिल्लामा कम्तिमा एउटा हेमोडायलासिस केन्द्र सञ्चालन गर्नु पर्ने, डायलायसिस सेवा २४ घण्टा नै सन्चालन गर्नु पर्ने, बन्द हडतालको बेलामा मृगौला रोगीलाई अस्पताल लान लैजान छुट्टै सवारी साधनको व्यवस्था गरिनु पर्ने लगायतका माग गरेको छ ।
   
  त्यसैगरी मृगौला प्रत्यारोपणको तयारीमा रहेका विरामीलाई एकमुष्ट १० लाख रुपैया उपलब्ध गराउनु पर्ने, औषधी र उपचारकोलागी एक मुष्ट २ लाख रुपैया वा निशुल्क सेवाको व्यवस्था गर्नु पर्ने, डायलासिस वा प्रत्यारोपण गरिसकेका विरामीको उपचारमा आवश्यक औजार र औषधिमा लाग्ने सम्पूर्ण कर मिनाहा गरिनु पर्ने, रगत परिक्षण र रक्त तत्वमा लाग्ने शुल्कमा पुरै अनुदान दिनु पर्न र मृगौला रोग पीडितलाई हवाई जहाज र सवारी साधनमा पुरै भाडा मिनाहा गर्नु पर्ने माग पनि समाजले अगाडि सारेका छ ।
   

Comments

Other News

• • राप्रपा अध्यक्षमा थापा सर्वसम्मत
  • सर्वोच्चद्वारा डीआइजी बढुवा सदर
  • चुनावका लागि साझा अवधारणा बनाउदै प्रचण्ड नेतृत्वको मोर्चा
  • करोडौं धन जम्मा गर्ने पाँच 'डन' विरुद्ध अदालतमा मुद्धा
  • अखिल क्रान्तिकारीद्वारा १०५ उम्मेदवारको घोषणा
  • एकता महाधिवेशनको बन्दसत्र सुचारु
  • सहमति जुटाउन दलहरुलाई रेग्मीको ताकेता
  • प्रचण्ड नेतत्वको गठबन्धनको बैठक जारी
  • आँशु झार्दै बिदा भए बेकह्याम (फोटो फिचर)
  
• Show Older