News

• सहमति नभए हतियार उठाएर सशस्त्र विद्रोह थाल्छौः बैद्य

  • Posted on: 2012-08-04
  

  काठमाडौं, २० साउन (ओएनएस) : नेकपा-माओवादीका अध्यक्ष मोहन बैद्यले संविधान निर्माण प्रक्रियामा दलहरुबीच राष्ट्रिय सहमति बन्न नसके आफ्नो पार्टीले फेरि हतियार उठाएर शसस्त्र विद्रोह थाल्ने अदघोष गरेका छन् । उनले पहिला जस्तै सरकारकै हतियार खोसेर जनयुद्ध गर्ने बताए ।

   
   
  उनले चीनबाट हतियार ल्याएर फेरि जनयुद्ध गर्ने भन्ने आंशकामा कुनै पनि सत्यता नभएको दावी गरे ।  एक टीभीसँगको अन्तर्वार्ता वैद्यले भने "दलहरुबीच सहमति नहुने हो, जनसंविधान नबन्ने हो भने हामीसँग हतियार उठाउँनुको विकल्प रहँदैन ।" प्रमुख ठूला तीन दल र मधेसी मोर्चाबीच भएको पाँच बुँदे सहमतिको औचित्य समाप्त भइसकेको वैद्यको भनाइ छ । 
   
  उनले अब  पनि पाँच बुँदे अनुसार नेपाली कांग्रेसले सरकारको नेतृत्वको दावी गर्नु उचित नभएको टिप्पणी गरे । उनले सहमतिको सरकारको नेतृत्व अब नेकपा-माओवादीले पाउनु पर्ने बताए । दलहरुबीच नयाँ सहमति बन्नु पर्ने वैद्यको भनाइ छ ।  प्रधानमन्त्री डा बाबुराम भट्टराईको नेतृत्वमा सहमति बन्ने सम्भावना नरहेको स्पष्ट पार्दै बैद्यले प्रधानमन्त्रीले पदत्याग गर्न नमाने आन्दोलनबाटै उनलाई पदच्यूत गर्ने चेतावनी दिए । उनले भने
   
  "सहमति नभए अब आन्दोलन हुन्छ त्यो पहिलाका जस्ता सम्झौतामा टुङगिदैन । हामी जितेरै छाड्छौ । अब नेपालमा संविधानसभाको पुनःस्थापना वा नयाँ निर्वाचन हुन नसक्ने भन्दै गोलमेच सम्मेलनबाट राष्ट्रिय सहमतिको सरकार गठन गर्नुपर्ने माग गरे ।
   
  उनले आफूले अध्यक्ष पदको लागि मात्रै कसैसँग सम्झौता नगर्ने स्पष्ट पार्दै आफ्नो गलत नीति त्यागेर आफुहरुको नीतिमा आए एकताको महाधिवेशन समेत हुन सक्ने संकेत गरे । भारतसँग पनि आफूहरु राम्रो सम्बन्ध बनाएर अगाडि बढ्न चाहेको स्पष्ट पार्दै बैद्यले आवश्यक परे आफू भारत भ्रमणमा समेत जान तयार रहेको बताए ।
   

Comments

Other News

• • राप्रपा अध्यक्षमा थापा सर्वसम्मत
  • सर्वोच्चद्वारा डीआइजी बढुवा सदर
  • चुनावका लागि साझा अवधारणा बनाउदै प्रचण्ड नेतृत्वको मोर्चा
  • करोडौं धन जम्मा गर्ने पाँच 'डन' विरुद्ध अदालतमा मुद्धा
  • अखिल क्रान्तिकारीद्वारा १०५ उम्मेदवारको घोषणा
  • एकता महाधिवेशनको बन्दसत्र सुचारु
  • सहमति जुटाउन दलहरुलाई रेग्मीको ताकेता
  • प्रचण्ड नेतत्वको गठबन्धनको बैठक जारी
  • आँशु झार्दै बिदा भए बेकह्याम (फोटो फिचर)
  
• Show Older