News

• आज पनि मुलुकभरका उच्चमाविको पठनपाठन ठप्प

  • Posted on: 2012-07-23

   

   
   
  काठमाडौ, ८ साउन (ओएनएस ) :  नेकपा-माओवादीनिकट अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी ) ले आह्वान गरेको दुईदिने निजी उच्चमाध्यमिक विद्यालय हडतालका कारण आज पनि मुलुकभरका उच्चमाविको पठनपाठन ठप्प भएका छन्।
   
   युनियनका संयोजक शरद रसाइलीले सरकारले दुईदिने निजी उच्च मावि बन्दपछि पनि आफ्ना मागका बारेमा ठोस निर्णय नलिए कडारुपमा थप आन्दोलन घोषणा गरेर मुलुकभर सञ्चालित निजी उच्च मावि ठप्प पारिने चेतावनी दिए।
   
  युनियनले अन्तर्राष्ट्रिय नाम राखेर सञ्चालित निजी उच्च माविका कारण राष्ट्रियतामाथि गम्भीर असर परेको र शिक्षामा विकृति आएको भन्दै ती नाम हटाउन दबाब दिँदै आइरहेको छ। 
   
  युनियनको दुईदिने बन्द आह्वानका कारण मुलुकभर सञ्चालित निजी क्षेत्रका करिब ५७६ उच्चमाध्यमिक विद्यालयमा पठनपाठन बन्द हुन पुगी सयौँ विद्यार्थी प्रभावित भएका छन्।
   
  कलेजको भड्किलो विज्ञापन र विदेशी नाम हटाउनुपर्ने माग गर्दै अङ्ग्रेजी नाम राख्ने नै भए आफ्नो राष्ट्रियता झल्किने नाम राख्नुपर्ने, उच्च माविले लिँदै आएको चर्को शुल्कमा पुनरावलोकन गर्नुपर्नेलगायतका माग राख्दै युनियनले उपत्यका र उपत्यका बाहिर सञ्चालित केही कलेजमा तोडफोडसमेत गरिसकेको छ। 

Comments

Other News

• • काठमाडौं–हेटौंडा सुरुङमार्ग निर्माण गर्न सरकारको स्वीकृति
  • यसरी भयो पूर्वसभासद मियाको हत्या ( घटना स्थल : फोटोफिचर)
  • पूर्वसभासद् मियाको हत्या रहस्यमय बन्दै
  • प्रधानसेनापति र भारतीय लेफ्टिनेन्ट जनरलबीच भेट
  • सरकार र सद्भावनाबीच कुरा मिलेन, आमरण अनसनको घोषणा
  • India's overt manipulation in Nepal, Congress I establishes party office
  • निर्वाचन ऐनका कारण मिति घोषणामा ढिलाई : प्रचण्ड
  • प्रेमिकाको लोग्ने आएपछि यसरी नाङ्गै भागे प्रेमी (फोटो फिचर)
  • नेपालमा भारतीय कांग्रेसको पार्टी कार्यालय
  
• Show Older