News

• शोकमा अमेरिका

  • Posted on: 2012-07-22

   

   
   
  काठमाडौ,७ साउन (एजेन्सी) : सिनेमा हलभित्रको हत्यापछि अमेरिकामा शोक छाएको छ । फिल्मको प्रिमियरको क्रममा बिहिबार मध्यराती कोलाराडो राज्यको डेनभर शहर नजिकैको सिनेमा हलमा एक व्यक्तिले गोली प्रदार गर्दा १२ जनाको मृत्यु भएका थिए भने ३८ घाइते भएका थिए । 
   
   
  अमेरिकीहरुले आँसुमा बाँधिएर श्रद्धाञ्जलीस्वरुप मैनबत्ती बालेका छन् । आक्रमणप्रति नेताहरूले चिन्ता व्यक्त गरेका छन् । अमेरिकामा बन्दुक नियन्त्रण गर्नुपर्ने विवाद पुनः सुरु भएको छ । बम विशेषज्ञले शुक्रबार डेनभरको बाहिरी भागको औरोरा नगरको होम्सको निवासमा प्रवेश गर्न प्रयास गरेका थिए । उनीहरूले उक्त घरमा प्रवेश गरेपछि आक्रमणको कारण जान्न सकिने धारणा राखेका छन् ।
   
  होम्सको निवासमा धेरै तार जेलिएको, गोलीले भरिएको भाँडा र अन्य तरल पदार्थले भरिएको भाँडा देखिएको प्रहरी प्रमुख डान ओट्सले बताए । उनले उक्त निवासमा सुरक्षित रूपमा प्रवेश गर्नु चुनौतीपूर्ण रहेको पनि उल्लेख गरेका छन् । 
   
  चौबीस वर्षीय उक्त आक्रमणकारीले दुई महिना अगाडि इन्टरनेट मार्फत छ हजार ुराउन्डु गोली तथा चार बन्दुक कानुनी रूपमा खरिद गरेको जानकारी प्राप्त भएको छ । कोलोराडो स्वास्थ्य विद्यालयमा भर्ना भएका होम्सको द्रुतगतिमा गाडी चलाएको बाहेक अन्य कुनै फौजदारी विवरण नभएको देखिएको छ ।
   
  प्रहरीले मोबाइल भर्‍याङ ल्याएर झ्यालबाट पनि उक्त निवासभित्र पस्ने प्रयास गरेको देखिएको छ । न्युयोर्कमा ब्याटम्यानका सिनेमा देखाइएका हलमा सुरक्षा व्यवस्था कडा बनाइएको छ । हाल सिनेमा हलमा मुकुन्डो तथा खेलौना हतियार पनि लैजान निषेध गरिएको छ । औरोरामा यस्ता कुरा सिनेमा हलमा सामान्य मानिन्थ्यो । यसै कारण होम्सल आफ्नो हतियार लैजान पाएको अनुमान गरिएको छ ।
   
  पेरिसमा यो सिनेमा प्रदर्शन कार्य स्थगन गरिएको छ । राष्ट्रपति ओबामा फ्लोरिडा भ्रमणबाट फर्केका छन् ।     ुयस्तो हिंसा तथा सैतानी कार्य अर्थहीन छ,ु ओबामाले फ्लोरिडामा भने । यस घटनापछि नै केही व्यक्ति तथा राजनीतिक नेताले यस्ता घातक हतियारमा प्रतिबन्ध लगाउने कानुन माग गरेका छन् । राष्ट्रपति ओबामाले छ दिनका लागि अमेरिकी झण्डा आधा झुकाउन आदेश दिएका छन् ।
   
   

Comments

Other News

• • भुल सच्चाउने मौका दिनुस : पूर्वराजा
  • Fishtail Air chopper crashes in Humla
  • हुम्लामा हेलिकोप्टर दुर्घटना एकको मृत्यु
  • चुनावको लागि निर्वाचन आयोगको तयारी तिव्र
  • निर्वाचनमैत्री वातावरण तयार : रेग्मी
  • स्वतन्त्र निर्वाचन गराउँछु : रेग्मी
  • न्यायाधीशहरुलाइ कार्यालय बोलाएको होइन : एमाले
  • रेग्मीमाथि भट्टराईको दवाव
  • रेलै घुमेर .......... (फोटोफिचर)
  
• Show Older