News

• ओलम्पिक हेर्न सिलवाल लण्डन जादैँ

  • Posted on: 2012-07-19
  

   

  काठमाडौं, ४ साउन (ओएनएस) : लण्डन ओलम्पिक हेर्न जान लागेका नेपालका पहिलो ओलम्पियन खेलाडी भूपेन्द्र सिलवाललाई औपचारिक विदाई गरेको छ । एनआरएन यूकेको निमन्त्रणा र नेपाल खेलकुद पत्रकार मञ्चको समन्वयमा सिलवाल आगामी बुधबार लण्डन प्रस्थान गर्नेछन् । 
   
   
   
  बिबिसी लण्डनका डेस्क सम्पादक सुमन खरेलले सिलवालबारे नेपाली विविसी सेवामा प्रशारित सामाग्री सुनेपछि सिलवालको लण्डन यात्राको पहल सुरु गरिएको थियो । खरेलको पहलमा एनआरएन यूकेले सिलवाललाई लण्डन जाने आउने र बस्ने ब्यवस्था गर्ने भएपछि मञ्चले सिलवालको पासपोर्ट र भिसाको प्रक्रिया अघि बढाएको थियो ।
   
  बुधबार आयोजित कार्यक्रममा नेपाल ओलम्पिक कमिटीका अध्यक्ष ध्रुवबहादुर प्रधान र खरेलले सयुक्त रुपमा सिलवाललाई विदाई गरिएको  थियो ।
   
  "हाम्रा अग्रजहरुलाई सम्मान गर्नुपर्छ भनेर हामीले उहाँलाई लण्डन लैजाने कार्यक्रम बनाएका हौं ।" खरेलले भने, "यो क्रमले भविष्यमा हाम्रा अन्य अग्रजहरुका लागि पनि अवसरको बाटो खोल्ने आशा गरेका छौं ।"
   
  नेपाल ओलम्पिक कमिटीका अध्यक्ष प्रधानले ओलम्पिक कमिटीले गर्नुपर्ने काम खेलकुद पत्रकार मञ्च र एनआरएन यूकेले गर्न लागेकोमा कृतज्ञता ज्ञापन गरे  । "यहाँ बोलिरहँदा मलाई लाज लागेको छ । यो ओलम्पिक कमिटीले गर्नु पर्ने काम थियो," प्रधानले भने, "नेपाल खेलकुद पत्रकार मञ्च र एनआरएन यूकेले गरेको यो पहलमा हामी सक्दो सहयोग गर्नेछौं ।"
   
  नेपाल ओलम्पियन असोसियसनका अध्यक्ष सुनिल जोशी, ओलम्पियनहरु दीपक बिष्ट र संगीना बैद्यको उपस्थिती रहेको कार्यक्रममा बोल्दै सिलवालले नेपालले ओलम्पिकमा भाग लिएको आधा शताब्दीपछि फेरी ओलम्पिक हेर्न जान पाएकोमा खुसी ब्यक्त गरे । "यो वर्ष मलाई खेलकुद पत्रकार मञ्चले फेरी चर्चा र अवसर दिलायो । उहाँहरुले मलाई सम्मान मात्र गर्नुभएन, लण्डन पुग्ने अवसर समेत दिनुभयो, " सिलवालले भने ।
   
  मञ्चले असार २० गते आयोजना गरेको  स्पोर्टस अवार्डमा सिलवाललाई लाइफटाइम अचिभमेन्ट अवार्ड प्रदान गरेको थियो ।
   
   

Comments

Other News

• • धरानमा पूर्वसभासद् मियाँको शवयात्रा
  • वैद्य र यादवलाई संयन्त्रमा ल्याउन कांग्रेस र एमाले सहमत
  • काखको छोरो 'गायव' हुँदा पनि पत्तो नपाएपछि......
  • सिद्धिचरणको १०२ औँ जन्मजयन्ती मनाइँदै
  • ‘यस्तो स्ववियु निर्वाचन बन्द गर्नुपर्छ’
  • कुन सेलिब्रेटी कस्ता देखिए क्यानिजमा ? (फोटोफिचर)
  • नेपालसँग अबको सम्बन्ध ‘इलेक्ट्रिसीटी’को : नितिशकुमार
  • हत्यारा पक्राउ गर्न माग गर्दै राजमार्ग बन्द
  • चेन्नई आइपीएलको फाइनलमा
  
• Show Older