News

• बजेटमा राहत कार्यक्रमलाई प्राथमिकता : क्षेत्री

  • Posted on: 2012-07-05
  

  काठमाडौं, २१ असार (ओएनएस) : राष्ट्रिय योजना आयोगका उपाध्यक्ष दीपेन्द्र बहादुर क्षेत्रीले नयाँ बजेटमा नागरिकलाई राहत दिने कार्यक्रमलाई प्राथमिकतामा राखिने बताएका छन् ।

   

  रिपोर्ट्स क्लबले काठमाडौमा गरेको कार्यक्रममा उपाध्यक्ष क्षेत्रीले नागरिकलाई राहत दिनेगरि विभिन्न कार्यक्रम समेटिने जानकारी दिए  । नयाँ बजेटमा कम्तिमा सय दिन रोजगारी दिने ब्यवस्था गरिने उनको भनाई छ ।
  
  नयाँ बजेटमा १० अर्बको चुनाव खर्चसहित ४ खर्ब ३९ अर्बको बजेट आउने उनले जानकारी दिए । संविधान निर्माणमा सहमति नभएका बेला बजेटमा सहमति हुन नसक्नु स्वभाविक भएको भन्दै उपाध्यक्ष क्षेत्रीले पुर्णआकारको बजेट नल्याए विकास निर्माणका कामहरु ठप्प हुने भएकाले मुलुकलाई घाटा हने दावी गरे  ।
  
  कार्यक्रममा प्रथम गभर्नर हिमालय शमशेर राणाले बजेट आउनु पूर्व देखिएका विवादलाई बर्झाएर राष्ट्रपतिलाई असजिलोमा नपार्न आग्रह गरे । सरकार कामचलाउ भएकाले दुरगामी असर पर्न गरि नयाँ कार्यक्रम र योजना ल्याउन नहुने राणाको भनाई छ ।
  
  अर्थविद चिरञ्जीवी नेपालले सरकारका कि्रयाकलाप विवादास्पद रहेकाले पुर्णआकारको बजेटले आम नागरिकलाई राहत नभई आहत दिने दावी गरे  । ठुलो आकारको बजेटले मूल्यवृद्धि हुने र त्यसको प्रत्यक्ष मार गरिब नागरिकमा पर्न नेपालको भनाई छ । विगतमा बजेट खर्च हुन नसकेको नजिर रहेको भन्दै नेपालले सहमति नगरि बजेट ल्याए यो बजेटपनि वेवारिसे हुने दावी गरे ।
  
  अर्थविद डिल्लीराज खनालले राष्ट्रपतिले पूर्ण बजेट रोक्न खोजे देश मुठभेडमा जानसक्ने बताए  ।
   

Comments

Other News

• • सरकार सचिवहरुको सरुवा गर्दै मन्त्रिपरिषद् जारी
  • दार्चुलामा बस दुर्घटना ५ जनाको मृत्यु
  • शिक्षक परिक्षा आजबाट सुरु हुँदै, झण्डै ५ लाख सहभागि
  • 'थ्रेसहोल्ड' मान्दैनौँ : आदिवासी जनजाति
  • सप्तरीमा एक किशोरीको जलाएर हत्या
  • राप्रपाको महिला र खुलातर्फको मतपरिणाम घोषणा
  • एमाओवादीमा सरकारको राजीनामाबारे बहस
  • सर्वोच्चद्वारा प्रेस काउन्सिलविरुद्ध कारण देखाउ आदेश जारी
  • सहमति नभए पनि चुनावको मिति घोषणा गर्नुपर्छ : महासचिव बोगटी
  
• Show Older