News

• राष्ट्रपतिलाई उक्साएर सरकार कु गर्ने प्रयास भईरहेको पौडेलको दावी

  • Posted on: 2012-06-17
  

   

  काठमाडौ, ३ असार (ओएनएस) :  प्रधानमन्त्रीका प्रमुख राजनीतिक सल्लाहकार देबेन्द्र पौडेलले सेरोमोनियल राष्ट्रपतिले सरकार गठन विघठनको नाममा राजनीति गर्न नमिल्ने बताएका छन् । 
  रिपोर्टर्स क्लबको  साक्षात्कारमा आइतबार पौडेलले राष्ट्रपतिलाई उक्साएर सरकार कु गर्ने प्रयास भईरहेको दावी गर्दै सेरेमोनियल राष्ट्रपतिले त्यस्तो गर्न नमिल्ने ठोकुवा गरे । 
   
  उनले भने,"राष्ट्रपतिलाई सक्रिय राजनीतिमा ल्याउन उक्साएर स्वयम राष्ट्रपति, लोकतन्त्र र दलहरुको हित हुँदैन बरु मुलुक झन ठूलो अस्थिरता र अराजकता तीर जान्छ । दलका नेताहरुलाई भेटेर राष्ट्रपतिले सरकार परिवर्तन कुरा गर्नु संविधान विपरित हो । त्यो गरे मुलुक द्धन्द्धमा जान्छ । "
   
  उनले राजनीतिक दलको सहमति भएर प्रधानमन्त्रीले पद छाडेको अवस्था बाहेक फेरि बहुमतको अर्को सरकार गठन गर्न नसकिने भन्दै अहिले प्रधानमन्त्री डा बाबुराम भट्टराईलाई कसैले पनि हटाउन नसक्ने ठोकुवा गरे । 
   
  उनले भने-दलहरुवीच सहमति भए प्रधानमन्त्रीले पद छाड्नु हुन्छ वा निर्वाचन भएर अर्को शक्ति आए प्रधानमन्त्री परिवर्त हुन्छ । अन्तरिम संविधान र अन्तर्राष्ट्रिय प्रचलन अनुसार प्रधानमन्त्री कसैले पनि हटाउन सक्दैन । 
   
  संविधानसभा रहँदै बैद्यानिक सरकारले  घोषणा गरेको निर्वाचन अबैधानिक हुनै नसक्ने समेत उनले स्पष्ट पारे । तर उनले निर्वाचन गर्ने समयको विषयमा भने दलहरुवीच कुराकानी गर्ने अवस्था भने खुल्ला रहेको बताए । निर्वाचनकोलागी सहमति र लोकतन्त्रकोलागी निर्वाचनको विकल्प नरहेको भन्दै संसद पुर्नस्थापना विकल्प हुनै नसक्ने उनको तर्क थियो । 
   

Comments

Other News

• • शिक्षक परिक्षा आजबाट सुरु हुँदै, झण्डै ५ लाख सहभागि
  • 'थ्रेसहोल्ड' मान्दैनौँ : आदिवासी जनजाति
  • सप्तरीमा एक किशोरीको जलाएर हत्या
  • राप्रपाको महिला र खुलातर्फको मतपरिणाम घोषणा
  • एमाओवादीमा सरकारको राजीनामाबारे बहस
  • सर्वोच्चद्वारा प्रेस काउन्सिलविरुद्ध कारण देखाउ आदेश जारी
  • सहमति नभए पनि चुनावको मिति घोषणा गर्नुपर्छ : महासचिव बोगटी
  • अर्थमन्त्री र अष्ट्रेलियाली राजदूतबीच भेटवार्ता
  • बलात्कारी कारागारमा
  
• Show Older