लेख / रचना

• नेपालको सपना कसले तुहायो

  • Posted on: 2012-06-12

  नेपाल अहिले जनताको सपना टुहिएपछि राजनीतिक अवस्था कठिन मोडमा पुगेको छ । सन् २००८ मा सम्पन्न संविधानसभाको चुनावपछि जनताका सपना पुरा गर्ने ६ सय १ जना सभासदहरुले ४ वर्ष वित्दा पनि संविधान निर्माण सकेन ।

   

  
  
  ४ वर्षअघि हिन्दु राज्यबाट  धर्म निरपेक्ष राज्यमा रुपान्तरित भएपछि जनताको हितमा नयाँ संविधान आउनेमा सबै जनता खुसी अभिव्यक्त समेत गरेका थिए ।  संविधानसभा चुनावमा रहँदा एकीकृत माओवादीका अध्यक्ष पुष्पकमल दाहालले नेपाललाई १० वर्षभित्र स्विजरल्यान्ड बनाईदिने घोषणा गरिदिने भनेपछि जनताले माओवादी ठूलो पार्टीको रुपमा विजयी गराएर पठाए ।
  सन् २००६ मा सरकार र विद्रोही पार्टी माओवादीबीच शान्ति समझौंता भएपछि सरकारमा गएको माओवादी विस्तारै जनतालाई गरेको बाचा भुल्दै गए । माओवादीकै  प्रधानमन्त्री बाबुराम भट्टराई अहिले कामचलाउ सरकारको प्रमुख रुपमा रहेका छन् ।

  नेपाललाई विश्व अर्थतन्त्रमा शीर्ष स्थानमा रहन सफल भारत र चीन जस्तै विकसित गराउने उनले अभिव्यक्ति दिएका थिए ।
  
  दुई ठूला देशका अनुशरण गर्दै आफ्नो देश त्यही अनुसार अर्थतन्त्रमा विकास गर्दै लैजाने, रेलमार्ग, मुख्य स्थानमा व्यापारिक केन्द्रको स्थापना गर्न घोषणा गरेका थिए ।

  
  समयको गतिसँगै पुष्पकमल दाहाकाको सपना पनि आन्तरिक तथा अन्तर विवादमै रुमलिएपछि  जनतालाई गरेको बाचा बिस्तारै  विलिन बन्न पुग्यो । विभिन्न खण्ड पार गर्दै नेपाल एसियाकै अत्यन्त गरीब मुलुकको सुचिमा नेपाल परेको छ । त्यस्तै गरी भट्टराईको सपना पनि फोहोरको थुप्रोमा विलिन हुन पुगेको छ ।

  
  संयुक्त राष्ट्रसंघको महासभा, सार्क सम्मेलन तथा चीनका प्रधानमन्त्रीसँगको भेटमा नेपालका राजनीतिक दलका शीर्ष नेताहरु कुर्सीकै लागि एक आपसमा लडिरहेको तर आफु विकासका लागि यो स्थानमा आएको भेटमा बोलेका थिए ।
  
  दोस्रो नेपालको संविधान सबै वर्गलाई समान हक अधिकार दिन कहिल्यै सहमत भएनन । विभिन्न आइस बे्रक भयो भनीरहँदा पनि शीर्ष नेताहरु आफनो स्वार्थमा अडिक भएपछि जनताको चाहना ४ वर्षमा पनि पुरा हुन सकेन । त्यस्तै अतिविकसित राष्ट्रमा विभिन्न अन्तर्राष्ट्रिय स्तरबाट देशको मामिलामा हस्तक्षेप गरेको समेत पाइयो । प्रधानमन्त्री आफैले पनि विकसित देशबाट हस्तक्षेप भैरहेको गुनासो समेत समाचार माध्यममा आएको थियो ।
  
  राजनीतिक दलका नेताहरु विभिन्न कुरा ल्याउदै जनताको सपनालाई पन्छाउदै आएका छन् , यसमा कुनै एक व्यक्ति, महत्वपूर्ण दल, सरकारको  स्वार्थ पुरा गर्नका लागि संविधान लेख्ने होइन । यसमा सबै तहका जातजातिको समान हक अधिकार दिएर नयाँ नेपालको नयाँ संविधान घोषणा गरि विश्वमा नै एक उदाहरण बन्न सक्नुपथ्यो । तर अफसोच जनताबाट छानिएका ६ सय १ जनाले ४ वर्षमा पनि नेपालमा संविधान जारी गर्न सकेन ।
  
  गत शुक्रबार बाबुराम भट्टराईले संविधान जारी हुन एक घण्टा अगाडि नयाँ निर्वाचनको घोषणा गरेपछि कामचलाउ सरकारको विरोधमा नेपाली कांगे्रस, एमाले लगायतका २२ दलले खुल्लामञ्चमा विरोधसभा आयोजना गरेका थिए ।

  
  एजेन्सीबाट
  
  
  
   

Comments

Other लेख / रचना

• • यसकारण संविधानसभाको चुनाव हुन्न : खड्गबहादुर विश्वकर्मा
  • खाडीको तेल जस्तै हो नेपालको पानी
  • मैले यी कुराहरू धम्कीको भाषामा भनिरहेको छैन : जेपी गुप्ता
  • अहम् र भ्रमका बीचमा दलहरू
  • सरकारलाई एमनेस्टीको चिठ्ठी
  • औलो रोग : प्रसङ्ग नेपाल
  • किन बन्दैन चुनावी वातावरण ?
  • कम्युनिष्ट आन्दोलनले कम्युनिष्ट समाज निर्माण गर्न सकेन
  • पहिचान खोज्दै नेपालका दुरा
  
• Show Older