अन्तर्वार्ता

• पूर्णबजेट नआउँदा अर्थतन्त्र तहसनहस भएको छ : डा चिरञ्जीवि नेपाल, अर्थजानकार

  •  
  असार मसान्तमा बजेट आउनु पर्ने हो । बजेट कस्तो ल्याउने भन्नेबारेमा दलहरुबीच सहमति भैसकेको छैन । काम चलाउ सरकारले कस्तो बजेट ल्याउन सक्छ भन्ने विषयमा केन्दि्रत रहेर अर्थजानकार डा चिरञ्जीवि नेपालसँग ओएनएसका लागि लोकेन्द्र ओलीले गरेको कुराकानीको सारसंक्षेप :
  

  असार मसान्तमा बजेट आउनु पर्ने हो । बजेट कस्तो ल्याउने भन्नेबारेमा दलहरुबीच सहमति भैसकेको छैन । काम चलाउ सरकारले कस्तो बजेट ल्याउन सक्छ भन्ने विषयमा केन्दि्रत रहेर अर्थजानकार डा चिरञ्जीवि नेपालसँग ओएनएसका लागि लोकेन्द्र ओलीले गरेको कुराकानीको सारसंक्षेप :

  
  काम चलाउ सरकारले कस्तो बजेट ल्याउनु पर्छ ?
  सहमतिबाट बजेट ल्याउन नसके अन्तरिम संविधानमा एक तिहाइ बजेट ल्याउन सकिन्छ, भन्ने व्यवस्था छ । विधिको शासन मान्दा एक तिहाइ बजेट आउछ, त्यो भन्दा अर्को विकल्पबाट बजेट ल्याउन संभव छैन । राष्ट्रपतिले पनि सहमतिमा बजेट ल्याउनुस भनिसकेकाले त्यसै गर्ने हो । अध्यायदेशबाट आउने बजेट ६ महिनाका लागि हो ।

  त्यसपछि फेरि अर्को बजेट आउछ । नेपालको सन्दर्भमा लगातार १० वर्ष भयो कहिल्यै पनि पूर्ण बजेट आउन सकेको छैन । सधै कहिले ६,७, ८ महिना भन्दै बजेट आइरहेको छ ।

  
  पूर्ण बजेट नआउँदा यसले अर्थतन्त्रमा कस्तो असर पारेको छ ?

  ठूलो असर पारेको छ । निजी क्षेत्र आक्रान्त छ ।  १० वर्षका साढे ३ प्रतिशत मात्र आर्थिक वृद्धिदर छ । लगानीभित्रिन सकेको छैन । निजी क्षेत्र हतोत्साहित छ ।

  रोजगारी सिर्जना हुन सकेको छैन । बेरोजगारी चरम रुपमा बढेको छ । नेपालबाट विदेशीने १० वर्ष पहिले दैनिक एक सय जना विदेश हुन्थे भने अहिले दैनिक १५ सय भन्दा धेरै जान्छन् । रेमिट्यान्समा मुलुक निर्भर छ । यो भन्दा ठूलो दुर्भाग्य अरु के हुन सक्छ ?

  
  यसबाट नेपाललाई आर्थिक रुपले पनि नोक्सान भैरहेको हो ?
  यसले नेपाललाई ठूलो घाटा भएको छ, नोक्सान भएको छ । अर्को नेपालको ठूलो दुर्भाग्य भनेको विकास खर्च कहिल्यै पूरा हुन सकेन । विकास खर्च पूरा नभएपछि रोजगारी सिर्जना हुँदैन, विकास खर्च समयमा नआउदा रोजगारी सिर्जना नभएपछि बेरोजगार मान्छे बढी हुन्छन ।

  विकास निर्माणका सबै काम ठप्प हुन्छन । नीति निर्माणका कार्यक्रम आउन सक्दैनन् । नेपालको अर्थतन्त्रलाई बर्वाद पार्ने काम नै बजेट समयमा नआएर र आएको बजेट पनि उपयोग गर्न नपाएर भएको हो ।  

  
  विकास खर्च पूरा हुन नसक्नुको मुख्य कारण के हो ?
  राजनैतिक सहमति हुन नसकेर नै हो । त्यससँगै बजेट राम्रोसँग कार्यान्यवन हुन नसकेर नै यस्तो भएको हो ।
   

Comments

Other अन्तर्वार्ता

• • एमाओवादी भित्रका अपराधीहरुलाई चुनावमा जान दिन्न : खनाल
  • प्रचण्डसँग माया बसेको छ : रेखा थापा
  • देशको चाबी फिर्ता गर्न पार्टी एकता : डा. प्रकाशचन्द्र लोहनी
  • जातीय राज्यको लागि मर्न तयार छौं – लेखी
  • कार्कीलाई 'कमेन्ट' भन्दा काम गर्न दिऊँ : सूर्यनाथ उपाध्याय
  • कार्कीका विषयमा प्रचण्डले गरेको गल्ती सच्याउनु पर्छ : लीलामणि पोखरेल
  • प्रचण्ड खुल्ला दिलको, बाबुराम अन्तर्मूखी : राजेन्द्र महतो
  • सरकारमा गएका व्यक्तिहरुमा कन्फ्युजन छ : डा चिरिञ्जीवी नेपाल
  • भारत भ्रमण प्रचण्डको गल्ती सच्याउने मौका : मुमाराम खनाल, विश्लेषक
  
• Show Older