अन्तर्वार्ता

• वैद्य र थापा एकतामा आए पार्टी फुट्नु पर्छ भन्नेहरु नांगिएर जान्छन् : अग्निप्रसाद सापकोटा, पोलिटब्यूरो सदस्य,एमाओवादी

  •  
  माओवादी अध्यक्ष पुष्पकमल दाहालले पार्टी एकताका लागि ७ बुँदेको जवाफमा वैद्य समूहले ६ बुँदै जवाफ फर्काएको छ । वैद्य समूहले संस्थापनले आत्मालोचनसम्म गर्नुपर्ने सर्तअघि सारेको छ । के अध्यक्षले आत्मालोचना गर्लान ? ती र यस्तै विषयमा केन्द्रीत रहेर संस्थापनका पोलिटब्यूरो अग्निप्रसाद सापकोटासँग ओएनएसका लागि लोकेन्द्र ओलीले गरेको कुराकानीको मुख्य अंश :
  

  माओवादी अध्यक्ष पुष्पकमल दाहालले पार्टी एकताका लागि ७ बुँदेको जवाफमा वैद्य समूहले ६ बुँदै जवाफ फर्काएको छ । वैद्य समूहले संस्थापनले आत्मालोचनसम्म गर्नुपर्ने सर्तअघि सारेको छ । के अध्यक्षले आत्मालोचना गर्लान ? ती र यस्तै विषयमा केन्द्रीत रहेर संस्थापनका पोलिटब्यूरो अग्निप्रसाद सापकोटासँग ओएनएसका लागि लोकेन्द्र ओलीले गरेको कुराकानीको मुख्य अंश :

   

  पार्टीको विवाद चरम विन्दुमा छ, विवाद कता जाँदैछ ? 
   
  विवादलाई मिलाउने कोशिस हुँदैछ । वैद्यजीहरुले पनि आफ्ना कुराहरु लेखेर पठाउनु भएको छ । ती कुरामा अध्ययन हुँदैछ । विवादका बीचबाटै विवादको समाधान गरेर पार्टीलाई एकता गर्नका लागि तीब्र पहल भैरहेको छ ।
   
  अध्यक्ष दाहालको जवाफमा वैद्य समूहले आत्मालोचना गर्नेसम्मको कुरा आएको छ । के अध्यक्ष आत्मालोचना गर्न तयार हो ? 
   
  अध्यक्षले आफ्नो तर्फबाट स्पष्ट रुपमा भन्नु भएको छकी अहिलेसम्म भएका कामको समीक्षा गरौं । त्यो समीक्षाबाट निस्कने निष्कर्षबाट निस्कने गल्ती, कमजोरी स्विर्कान तयार छु  । त्यती मात्रै होइन केन्द्रीय कमिटीको बैठकमा गम्भीर छलफल गरौं । छलफलबाट अध्यक्ष त्याग्ने अवस्था आए म अध्यक्ष पनि त्याग्न तयार रहेको अध्यक्षले भनि रहनु भएको छ ।
   
  राष्ट्रिय सहमतिको विकल्प तयार भए प्रधानमन्त्रीबाट बाबुरामजीले राजीनामा दिने भन्ने कुरा लिखित रुपमा दिनुभएकै छ । छलफल गरौं त हामीहरुले भन्दै आएका छौं । वैद्यजीहरुको राष्ट्रिय भेल हुँदैछ, त्यसबाट पनि एकताको प्रस्ताव पारित गरौं र यी यी बुँदामा एकताको सर्त हुन सक्छ भन्ने त्यसपछि हाम्रो विस्तारित बैठकमा पनि एकतावद्ध हुनको लागि एउटा प्रस्ताव पारित गर्ने । त्यसपछि दुवै प्रस्तावमा गम्भीर छलफल एकता गर्न सकिन्छ । त्यस दिशातिर पहल भैरहेको छ । 
   
  ७ बुँदेमा खास कुरा नै छैन । त्यसबाट एकता हुँदैन भन्दैहुनुहुन्छ ? हामी समीक्षा गर्नु नै ठूलो कुरा हो । हिजो पार्टी र सरकारबाट भएका निर्णयमा कहाँ कहाँ कमजोरी भए जस्तो पिप्पा सम्झौंता, सेना समायोजना, जग्गा फिर्तासँगै पार्टीबाट भएका सबै विषयमा समीक्षा गर्न तयार रहेका छौं । कमीकमजोरीसँगै अन्त्यमा अध्यक्षले राजीनामा दिनसम्म भएपछि त्यो भन्दा गम्भीर के हुन सक्छ ? 
   
  तपाईले मिल्ने सम्भावना कत्तिको देख्नु भएको छ ? 
   
  अमिलुन्जेल मिल्छ जस्तो लाग्दैन । फेरि आ-आफ्ना कुरा खुलस्त राखी र मिलन विन्दु नै खोज्ने हो । मलाई के लाग्छ भने हामीबीच विचारमा कार्यदिशामा, रणनीतिमा, कार्यनीतिमा खासै फरक छैन । पछिल्लो गतिविधिमा लाइनप्रति कति प्रतिवद्ध हो भन्ने देखिन्छ । आयोग बनाएर संविधान जारी गर्ने राष्ट्रपतिलाई यो सरकार बर्खात उत्प्रेरणा गर्ने र घोर भन्दा घोर दक्षिणपन्थी र प्रतिक्रियावादीसँग सहजै गठबन्ध गर्न तयार भएकाले थोरै आशंका देखिन्छ । तरपनि विचार फरक नभएका एकता नै नहुने भन्ने अवस्था नभएको होइन । सबैलाई हेरर वैद्यजीहरुले क्रान्ति नै चाँहेको भए एकतावद्ध भन्दा अर्का विकल्प छैन । 
   
  वैद्यले एकता गरौं भन्दा पनि अब एकता हुन नसक्ने र पार्टी फुट्ने अवस्थामा पुगेको हो र ? 
   
  वैद्यजीहरु दृढतापूर्वक अहिलेको आवश्यकता पार्टी एकता नै हो भनी लाग्नु भयो । त्यो कुनै समस्या नै हैन । सबैले एकताको माग गरिरहेका छन् । राजनीति मिली सकेपछि सबै कुरा मिल्छ । जसले नियतै राखेर फुट्नु पर्छ भन्ने गरेका छन्, तिनीहरु नागेरै जान्छन् । त्यसैले वैद्य र बदलजीहरु एकताको पक्षमा उभिए सबै कुरा मिल्छ । 
   

   

Comments

Other अन्तर्वार्ता

• • प्रचण्डसँग माया बसेको छ : रेखा थापा
  • देशको चाबी फिर्ता गर्न पार्टी एकता : डा. प्रकाशचन्द्र लोहनी
  • जातीय राज्यको लागि मर्न तयार छौं – लेखी
  • कार्कीलाई 'कमेन्ट' भन्दा काम गर्न दिऊँ : सूर्यनाथ उपाध्याय
  • कार्कीका विषयमा प्रचण्डले गरेको गल्ती सच्याउनु पर्छ : लीलामणि पोखरेल
  • प्रचण्ड खुल्ला दिलको, बाबुराम अन्तर्मूखी : राजेन्द्र महतो
  • सरकारमा गएका व्यक्तिहरुमा कन्फ्युजन छ : डा चिरिञ्जीवी नेपाल
  • भारत भ्रमण प्रचण्डको गल्ती सच्याउने मौका : मुमाराम खनाल, विश्लेषक
  • पार्टीले विश्वास गर्छ भने प्रचण्डसँग लड्न तयार छु : गगन थापा
  
• Show Older