News

• खाद्य संकट संभावना बढेकै बेला मकैबालीमा रोग

  • Posted on: 2012-08-17

   

  धनवीर दाहाल / रुकुम १ भदौ साउन (ओएनएस) : रुकुममा विभिन्न गाबिसहरुमा लगाइएका मकैबालीमा रोग देखिएको छ । 
   
   
   खाद्य संकट हुन सक्ने जिल्ला खाद्य सुरक्षा समितिले निष्कर्ष निकालेर सरोकारवालाहरुलाई त्यसको रोकथाकका लागि आग्रह गरिरहेकै बेला मकैबालीमा रोग देखिएको हो । 
   
  रुकुमका पिपल, पोखरा र बाँफिकोट गाविसममा लगाएको मकैबालीमा रोग लागेपछि कृषकहरु मर्कामा परेका हुन । 
  पातमा खैरो थोप्ले रोगले संक्रमण गरेपछि मकैमा समस्या देखिएको पिपल गाविसका स्रोत व्यक्ति भीमवहादुर खत्रीले जानकारी दिए । सो जानकारी पाएपछि ती गाविस तर्फ जिल्ला कृषि विकास कार्यालय रुकुमका बाली संरक्षण अधिकृत पिताम्वर बस्नेत र नाप्रास लोकेन्द्र वलीको टोली अनुगमनको लागि गएको छ ।
   
  मकैमा समस्या भएका कृषकहरुले सो टोलीसाग सम्पर्क गरी रोग रोकथामको कार्य गर्नु अनुरोध गरेका छन् । खैरो थोप्ले रोग लागेपछि मकैका पात/डाठमा स साना खैरा काला थौप्लाहरु देखिएको र विस्तारै ति थोप्लाहरु वढदै गई पुरै पात सुकेको तथा रोग ग्रस्त बोटमा घोगा नलाग्ने वा घोगा लागेमा पनि दाना नलागेको कृषकहरुले बताएका छन् । गत वर्ष पनि मकैवालीमा यो समस्या देखिएको जिल्ला कृषि विकास कार्यालय रुकुमले जनाएको छ  । 
   
      पटक पटक यस्ता समस्या देखा परेपनि कृषकहरुमा भने विषादी नै राख्नुपर्छ भन्ने विचारले जडो गाडेको कृष्िा विकास कार्यालयको भनाइ छ । विउ परीवर्तन नै नगरेर सालसालै एउटै विउ प्रयोग गर्नाले र विउ नै उपचार नगरेर मकै रोप्नाले मकैवालीमा यस्तो समस्या देखा परेको बाली संरक्षण अधिकृत वस्नेतले बताए । सो रोग निदानका लागि जिल्ला कृषि विकास कार्यालय रुकुमले क्षेत्रिय कृषि निर्देशनालय सुर्खेत, क्षेत्रिय बाली संरक्षण प्रयोगशाला नेपालगन्ज, बाली संरक्षण निर्देशनालय हरिहरभवन ललितपुरसँग विषादीको माग गरेको छ ।
   
  एउटै क्षेत्रमा लगातार रोगको प्रकोप देखिनुको कारणको अनुसन्धान गरिदिनहुन  क्षेत्रिय अनुुसन्धान केन्द्र खजुरासँग अनुरोध गरेको निमित्त वरिष्ठ कृषि विकास अधिकृत मेघराज थापाले जानकारी दिए । यसैबीच आठविसकोट सेवा केन्द्र अन्र्तगत आठविसडाडागाउँ ४ सिमवजार घट्टाको खेतमा लगाएको धानवालीमा काडेदार खपटेले आक्रमण गरेको छ । त्यसको लागि कृषि सेवा केन्द्र आठविसकोट र त्यहाँका कृषकहरुको सयुक्त प्रयासमा साइपरमेथि्रन विषादी स्प्रे गरिएको सेवा केन्द्र प्रमुख यमकान्त पाण्डेले जानकारी दिए ।
   
  त्यस्तै अन्य कहिकतै यस्ता समस्याहरु देखा पेरेको खण्डमा कृषि सेवा केन्द्र आठविसकोटमा सम्र्पक राख्नहुन वा जिल्ला कृषि विकास कार्यालय रुकुममा  जानकारी राख्नहुन सेवा केन्द्र प्रमुख पाण्डेले सबैमा अनुरोध गरेका छन् । 
   
   

   

Comments

Other News

• • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  
• Show Older