News

• साउन ३१ देखि ग्यास उद्योगले एलपी ग्यास बिक्री ठप्प पार्ने

  • Posted on: 2012-08-06

   

  काठमाडौ, २२ साउन (ओएनएस) : एलपी ग्यासका उद्योगीले आगामि साउन ३१ गतेदेखि खाना पकाउने एलपी ग्यासको बिक्री वितरण ठप्प पार्ने बताएका छन् । आफूहरुले पाउने कमिसनमा बृद्धिलगायतका १६ बुँदे माग अगाडि सार्दै आन्दोलनका कार्यक्रम घोषणा गरेका हुन । 
   
   
  रिपोर्टर्स क्लब नेपालमा आयोजत कार्यक्रममा एलपी ग्यासा उद्योग संघका उपाध्यक्ष शिवप्रसाद घिमिरले सोमबारसम्मको आफूहरुको अल्टिमेटलाई आयल निगम र सरकारले बेवास्ता गरेकोले आन्दोलनमा जान बाध्य भएको बताए । 
  संघले साउन २३ गतेदेखि पिडिओ खरिद नगर्ने, २४ गतेदेख भारतबाट ग्यासा लोड नगर्ने, २५ गतेबाट भन्सारबाट ग्यासा नछुटाउने र ३१ गतेदेखि माग पुरा नभएसम्म विक्री वितरण ठप्प पार्ने गरी आन्दोलन गर्ने गरी निर्णय गरेको उनले जानकारी दिए । 
   
  आफुहरुको माग पुरा गराउन संघले सम्बन्धित निकायसँग छलफल गर्न शिवप्रसाद घिमिरेको संयोजकत्वमा सात सदस्यीय वार्ता टोलीसमेत गठन गरेको जानकारी दिइएको थियो  । जसमा कुशप्रसाद मल्ली, विजयहरी शर्मा, सावरमल अग्रवाल, डा मणिकरत्न तुलाधर, राजेन्द्र डल्लाकोटी र धर्मराज बर्तौला सदस्य रहेका छन् । 
   
  उद्योगी, डिलर कमिसन, ढुवानी, ओभरहेड खर्च तत्काल बृद्धिगर्नु पर्ने, उपभोक्ता र व्यवसायीकालागि पनि सरकारले व्यवस्था गरेको दुई थरीका सिलिण्डर प्रचलनमा ल्याउने पर्ने निर्णय अव्यवहारिक भएकोले तत्काल खारेज गर्नु पर्ने, नयाँ ग्यास उद्योग स्थापना गर्दा संंघको स्वीकृति लिनु पर्ने, संघको सिफारिसमा ग्यासको कोटा निर्धारण गर्नुपर्ने र सरकारी निकायससहितका विभिन्न क्षेत्रलाई ग्यास उद्योग स्थापना गर्ने योजना तत्काल खारेज गर्नु पर्ने सहितका १६ बुँदे माग सार्दै संघ आन्दोलनमा उत्रीएको महासचिव कुश प्रसाद मल्लीले जानकारी दिए । 
   
   

Comments

Other News

• • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  
• Show Older