News

• दुई सामुदायिक वन खारेजी

  • Posted on: 2012-07-30

  धनवीर दाहाल / रुकुम १५ साउन (ओएनएस) : लामो समयदेखिको विवाद मिलाउन नसक्दा रुकुमका दुई वटा सामुदायिक वनको खारेजी भएको छ ।

   

  वन ऐन तथा वन नियमावली विपरीत कार्य गर्ने विजयश्वरी गाविसका २ सामुदायिक वनलाई जिल्ला वन कार्यालय रुकुमले खारेजी गरेको हो । खारेजीमा पर्नेमा विजयश्वरी १ को खहरे सामुदायिक वन र ८ को आरुखोला सामुदायिक वनको रहेका छन् ।

  जिल्ला वन कार्यालयले वन ऐन अनुसार जिम्मेवारी पुरा नगरेका कारण उनीहरुलाई खारेजी गरिएको बताएको छ ।

  ती वन उपभोक्ता समुहबीच लामो समयदेखि सीमा विवाद रही आएको थियो । सामुदायिक वन क्षेत्रमा गरिएको जाँचबुझ तथा अनुसन्धानपछि वन ऐन २०४९ को दफा २७ को १ तथा वन नियमावली २०५१ को दफा ३७ एक क बमोजिम कार्य भएको जिल्ला वन कार्यालयले ठहर गरेको छ ।

  वन ऐन २०४९ को दफा २७ को क तथा नियमावलीको दफा ३७ एक ख अनुसार वन समुह खारेज गरी वन फिर्ता लिएको जिल्ला वन अधिकृत कृष्णदत्त भट्टले बताए ।
   

Comments

Other News

• • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  
• Show Older