News

• पहिरोले सडकमार्ग अवरुद्ध

  • Posted on: 2012-07-21

   

  देवचन्द्र भट्ट / नुवाकोट, ६ साउन (ओएनएस) : पासाङल्हामु मार्गको त्रिशूली-धुन्चे सडकखण्ड पहिरोका कारण अवरुद्ध भएको छ । सडकखण्डको राम्चे र फूलखर्क क्षेत्रमा अविरल वर्षाले पहिरो जादा यातायातका साधन रोकिनुका साथै पैदल यात्रामासमेत कठिनाई भएको छ । 
   
  अविरल वर्षातका कारण मूलखर्क, ग्राङखोला र राम्चेको तेम्राङ क्षेत्रको सडक पहिरोले क्षति पुर्‍याएको छ । हाल सडक मर्मतको कार्य भइरहेको साइट इन्चार्ज दीपेन्द्र खड्काले बताए । 
   
  उक्त स्थानको पहिरो व्यवस्थापन गर्न कुनै पनि निकायले ध्यान नदिंदा वर्षायाममा सधै समस्या हुदै आएको स्थानीय दावा तामाङले जानकारी दिए ।  २०४५ सालमा निर्मित सो सडक वर्षेनी पहिरोले अवरुद्ध पार्दै आएको छ । 
   
  साउनको दोश्रो साता हुने गोसाइकुण्ड मेला भर्न आउने तीर्थयात्रीलाई सुविधा दिन सडक मर्मतका लागि चासो दिन सम्बन्धित निकायसमक्ष आग्रह गरिएको गोसाइकुण्ड क्षेत्र विकास समितिले जनाएको छ । संरक्षणप्रेमीहरूले भने प्राकृतिक धरातल कमजोर भएको सो क्षेत्रमा वर्षायामभर डोजर लगाउन र विस्फोटक पदार्थ प्रयोगको काम बन्द गर्न सुझाव दिएका छन् ।
   

Comments

Other News

• • सगरमाथा हीरक महोत्स मनाइदै
  • रिड नेपाललाई एक लाख अमेरिकी डलरको पुरस्कार
  • हेलिकप्टर दुर्घटना भएको झुटो हल्ला गर्ने पक्राउ
  • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  
• Show Older