News

• तनहुँ तेस्रो खुला दिसामुक्त जिल्ला बन्यो

  • Posted on: 2012-07-19

   

  तनहुँ, ४ साउन (ओएनएस) : तनहुँ नेपालको तेस्रो खुला दिसामुक्त जिल्ला घोषणा भएको छ । 
   
   
  बुधवार सदरमुकाम दमौलीमा आयोजित कार्यक्रममा उपराष्ट्रपति परमानन्द झाले तनहुँलाई खुला दिसामुक्त घोषणा गर्नभएको हो । एक नगरपालिका र ४६ गाविस रहेको तनहुँमा ६९ हजार १ सय ८५ घरधुरीमा पक्की सौचालय बनेपछि तनहुँलाई नेपालकै तेस्रो खुला दिसामुक्त जिल्ला घोषणा गरीएको हो । 
   
  यसअघि कास्की र चितवन खुला दिसामुक्त जिल्ला घोषणा भइसकेका छन् । जिल्लालाई खुला दिसामुक्त बनाउन जिल्ला विकास समितिले ४ करोड ५० लाख ६ हजार रुपैयाँ र सर्वसाधारणले ३३ लाख रुपैयाँ जुटाएका थिए ।
   
  अन्य संघ संस्थाले पनि सौचालय निर्माण र सरसफाई संबन्धि चेतनामुलक कार्यक्रम सञ्चालन गरेका थिए । जिल्ला नै खुला दिसामुक्त घोषणा भएको खुशियालीमा तनहुँका बिभिन्न गाउँका वासिन्दाले सदरमुकाममा भएको कार्यक्रममा झाँकी सहित नाचगान समेत प्रस्तुत गरेका थिए ।
   

Comments

Other News

• • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  
• Show Older