News

• राजा ज्ञानेन्द्रले २०६३ बैशाख ११ गते गरेको प्रतिनिधि सभा पुनस्थापनाको धोषणा

  • Posted on: 2012-07-18

   

  राजा ज्ञानेन्द्रको वैशाख ११, २०६३ को सम्बोधन
   
  प्यारा देशबासीहरु, 
     नेपाल अधिराज्यको राज्यशक्तिको स्रोत नेपाली जनता नै भएको र नेपालको सार्वभौमसत्ता एवम् राजकीय सत्ता नेपाली जनतामा नै निहित रहेको तथ्यलाई हृदयंगम गर्दै वर्तमान जनआन्दोलनमार्फत अभिव्यक्त भएको जनभावना एवम् आन्दोलनरत सात राजनीतिक दलको गठबन्धनको मार्गचित्रका आधारमा मुलुकमा जारी हिंसात्मक द्वन्द्वलगायत समग्र समस्याहरुको समाधान गर्न तत्कालीन प्रधानमन्त्रीको सिफारिशमा नेपाल अधिराज्यको संविधान २०४७ बमोजिम २०५९ साल जेठ ८ गते विघटन भएको प्रतिनिधि सभालाई यसै घोषणामार्फत पुनस्थापित गरिबक्सेका छौं । बहुदलीय प्रजातन्त्रको रक्षा, स्थायी शान्ति, राष्ट्रिय एकता एवम् समृद्धिको बाटोतर्फ मुलुकलाई अघि बढाउने जिम्मेवारी बहन गर्न हामी आन्दोलनरत सात राजनीतिक दलहरुलाई आहृवान गर्दछौं । पुनस्थापित प्रतिनिधि सभाको बैठक २०६३ साल बैशाख १५ गते शुक्रबार दिनको १ बजे संसद्भवन, सिंहदरबारमा बस्ने गरी आहृवान गरिबक्सेका छौं ।  नेपाल र नेपालीको बृहत्तर हित यो संसद्बाट हुनेछ भन्ने हामीलाई विश्वास छ । जनआन्दोलनमा जीवन गुमाएकाप्रति समवेदना र घाइते एवम् आहत भएका सबैप्रति शीघ्र स्वास्थ्यलाभको कामना गर्दै मुलुक दिगो शान्ति, प्रगति, पूर्ण प्रजातन्त्र र राष्ट्रिय एकतातर्फ अभिमुख हुने विश्वास प्रकट गर्दछौं ।  
   
  श्री पशुपतिनाथले हामी सबैको कल्याण गरुन ।  
  जय नेपाल
   

Comments

Other News

• • बालिकालाई जवरजस्ती करणी गर्ने पक्राउ
  • थाइ प्रधानमन्त्रीसँग सुजाताको भेट
  • चट्याङ लागेर ६ जनाको मृत्यु
  • कृष्णसारको वासस्थान शुक्लाफाँटा
  • नवलपरासीमा मौरीपालन व्यवसाय
  • चुरे संरक्षणका लागि चेतनामूलक कार्यक्रम
  • पानी अभाव हुन नदिन चुहावट नियन्त्रण
  • भरतपुरमा आगलागी, लाखौँको क्षति
  • सल्लोको आम्दानीले स्थानीय दङ्ग
  
• Show Older