News

• विश्व जनसंख्या दिवस आज मनाईदै

  • Posted on: 2012-07-11

  काठमाडौं, २७ असार (ओएनएस) : विश्व जनसंख्या दिवश बुधवार विभिन्न कार्यक्रम गरी मनाईंदैछ । विश्वभरको जनसंख्या र त्यसको आवश्यकताका बारेमा चासो दिंदै हरेक वर्ष जुलाई ११ मा विश्व जनसंख्या दिवश मनाउने गरिएको छ ।

   

  
  राष्ट्रसंघीय विकास कार्यक्रमको सञ्चालन परिषदले सन् १९८९ मा दिवश मनाउने तय गरेयता हरेक वर्ष जनसंख्या दिवश मनाईन्छ । दिवशको यसवर्षको नारा ँप्रजनन स्वास्थ्य सेवामा विश्वव्यापी पहुँच’ तय गरिएको छ । समान र न्यायोचित विश्व निर्माणमा प्रजनन स्वास्थ्यले खेल्ने महत्वपूर्ण भूमिकामा जोड दिन यो नारा तय गरिएको राष्ट्रसंघीय जनसंख्या कोषले जनाएको छ ।
  
  दिवशका अवसरमा सन्देश दिंदै संयुक्त राष्ट्रसंघका महासचिव बान की मूनले प्रजनन स्वास्थ्य सेवामा पहुँचको आवश्यकता बढी भएका मानिसहरुलाई सहयोग गर्न अझै धेरै काम गर्न बाँकी रहेको बताएको छ । मुनले प्रजनन स्वास्थ्य र अधिकार दिगो विकास र गरिबी निवारणका लागि महत्वपूर्ण रहेको भन्दै प्रजनन स्वास्थ्य सेवाको माग र आपूर्तिमा रहेको खाडल पुर्न पुलको रुपमा काम गर्न दिशामा तत्काल ठोस कदम चाल्न सदस्य राष्ट्रहरुलाई आग्रह गरेको छ ।
   

Comments

Other News

• • रिड नेपाललाई एक लाख अमेरिकी डलरको पुरस्कार
  • हेलिकप्टर दुर्घटना भएको झुटो हल्ला गर्ने पक्राउ
  • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  
• Show Older