News

• बेचिएका चेली परिवार मिलनमा

  • Posted on: 2012-07-07

  
  देवचन्द्र भट्ट  / नुवाकोट,२३ असार (ओएनएस) : नुवाकोटको तीन गाविसबाट बेचिएका चेलीहरुलाई आफ्नो परिवारसंग पुनरमिलन गराइएको छ । एक संस्थाले विदुरमा कार्यक्रम गरेर हिन्दुस्तानमा वेचिएर फर्किएका  चेलीहरुका परिवारसंग पुनर्मिलन गराएको हो ।

   

  
      घ्याङफेदीको सिर्जनशील रेडपाण्डा महिला समूहले विदुरमा भेला गरी पुनर्मिलन गराएको हो । संस्थाले घ्याङफेदी, शिखरवेशी र गाउखर्क गाविसका १३ जना किशोरीहरुलाई परिवारसंग मिलन गराएको हो ।
  ति चेलीहरु विभिन्न संघ संस्थाले उद्धार गरी काठमाडौंका पुनस्र्थापना केन्द्रहरुमा बसेर अध्ययन गरिरहेका किशोरीहरुलाई बेचविखन प्रभावित जिल्ला नुवाकोटको सदरमुकाम विदुरमा पहिलो पटक आफ्नै वपरिवारसंग पुनरमिलन गराएको हो ।

  कार्यक्रममा नुवाकोटका निमित्त प्रमुख जिल्ला अधिकारी सन्तोष पौडेलले भारतबाट उद्धारगरी ल्याइएका चेली र परिवारका सदस्यलाई खादा ओडाउदै मिलन गराईदिदा हर्षको रुवावासी चलेको थियो ।
  पाच बर्ष पछि आफ्नो छोरीलाई सकुशल भेट्दा हर्षको औधी खुशी भएको घ्याङफेदी गाविस वडा नं.५ की माइली तामाङले बताईन् ।

  कार्यक्रममा आएका किशोरी तथा युवतीहरु १५ देखि १८ बर्ष बीचका थिए । उनीहरु सबैजना ११ र १२ बर्षको उमेरमा बेचिएका थिए । दुईबर्ष अघि नै विभिन्न संघसंस्थाले उद्धार गरी ल्याइएका उनीहरु अहिले काठमाडौंमा अध्ययन गरिरहेका छन् ।

  
  संस्थाले आगामी दिनमा अन्य युवतीहरुलाई पनि परिवारसंग पुनर्मिलन गरेर उनीहरुलाई गाउमा विस्तारै आउन जान सक्ने वातावरणको बनाउदै लैजाने संस्थाकी सदस्य विनिता तामाङले जनाईन् । 

  गाउंबाट सानैमा बेपत्ता परिएका छोरीहरुलाई यसरी यो जुनीमा भेट्न पाइएला भन्ने नसोचेको अभिभावकहरुले बताएका छन् । संस्थाले भेट गराएर राम्रो काम गरेको उनीहरुको प्रतिक्रिया रहेको थियो ।
      पुनर्मिलन कार्यक्रम नेपाली गृह र संरक्षक समूह नेपालको आर्थिक सहयोगमा भएको हो ।

  बेचविखन पीडितहरुलाई सार्वजनिक कार्यक्रम गरी परिवारमा पुनर्मिलन गरिएको नेपाल मै पहिलो पटक भएको संरक्षक समूह नेपालका निर्देशक श्याम पोखरेलले बताए ।
  
  
   

Comments

Other News

• • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  • गोली हानी श्रीमानद्वारा श्रीमतीको हत्या
  • नयाँ परीक्षा प्रणाली अनुसार सवारी ट्रायल सुरु
  
• Show Older