News

• नुवाकोटको प्रमुख समस्या नै मानव वेचविखन

  • Posted on: 2012-07-05

  
  देवचन्द्र भट्ट / नुवाकोट, २१ असार (ओएनएस) : नुवाकोटको विदुरमा आयोजित कार्यक्रमका सहभागीहरुले नुवाकोटको प्रमुख समस्या नै मानव वेचविखन  भएको बताएका छन् । बितेको एक वर्षमा नुवाकोटबाट ४८ महिला हराएको तथ्यांक सार्वजनिक भएको छ ।

   

  
  नुवाकोटको विभिन्न गाविसहरुमा चेलिवेटी वेचविखन समस्या विकराल बन्दै गएको जनाउदै सरोकारवालाहरुले यसको दीर्घकालीन समाधानका लागि सामूहिक प्रतिवद्धता हुनुपर्ने कार्यक्रमका सहभागीहरुले बताएका छन् । गृह मन्त्रालयको आयोजनामा जिल्ला विकास समितिमा सम्पन्न लैङ्गक हिंसा र मानवअधिकार सम्वन्धी अन्र्तक्रियामा बोल्दै गृह मन्त्रालयका उपसचिव शम्भु घिमिरेले जिल्लाको पहिलो समस्या नै मावन वेचविखन भएकोले यसको समाधानका लागि सम्वन्धित सरोकारवालाहरु एकजुट हुनुपर्ने बताए ।  

  
  विभिन्न सात वटा संस्थाहरुले वेचविखन विरुद्ध सचेतनालगायतका कार्यक्रम सञ्चालन गर्दै आएपनि समन्वयको अभावमा ती कार्यक्रमहरु निष्प्रभावी भएको सरोकारवालाहरुले बताएका थिए । यस वर्ष नुवाकोटमा सात वटा मावन वेचविखनका मुद्दा दर्ता भएकोमा दुई वटा मुद्दा मात्र अदालतबाट फस्र्यौट हुन बाकी रहेको जनाइएको छ ।
  नुवाकोटबाट वितेको एक वर्षमा ४८ जना महिला हराएकोमा ८ जना मात्र फेला परेका जनाइएको छ । २७ जना बालिका हराएकोमा ४ जना मात्र फेला परेको तथा ४७ वटा घरेलु हिंसा सम्वन्धि उजुरी परेकोमा ३६ वटा घटना मिलापत्र गरिएको, तीन वटा बहुविवाहको घटना दर्ता भएका छन् ।
  सबै मुद्दाहरु हिंसासाग सम्वन्धित रहेकाले जिल्लामा वेचविखनका साथै हिंसाको समस्या बढिरहेको प्रहरीको दावी रहेको छ । नुवाकोटको घ्याङफेदी, शिखरवेसीलगायत २० भन्दा धेरै गाविसमा 'छोरी बेच्ने' चलन अहिलेसम्म पनि कायमै रहेकोले यसको रोकथामका लागि व्यापक जनचेतना फैलाउनुपर्ने सरोकारवालाहरुले बताएका थिए ।
  
   

Comments

Other News

• • फर्जी विद्यार्थी विरुद्ध अनशन
  • विद्यार्थी बीच झडप, २४ बढी घाइते
  • हत्याको विरोधमा विराटनगर बन्द
  • सगरमाथा हीरक महोत्स मनाइदै
  • रिड नेपाललाई एक लाख अमेरिकी डलरको पुरस्कार
  • हेलिकप्टर दुर्घटना भएको झुटो हल्ला गर्ने पक्राउ
  • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  
• Show Older