News

• सुत्केरी गराउँदा बच्चाको टाउको चुडियो

  • Posted on: 2012-07-05

  जनकपुर, २१ असार (ओएनएस) : प्रसूति गराउने चिकित्सकको लापरबाहीले जनकपुरस्थित धनुषा अस्पतालमा हिजो एक शिशुको ज्यान गएको छ ।

   

  धनुषा इनरुवा- ७ कजरारमौलकी २२ वर्षीया सविता यादवको सात महिनाको गर्भ डेलिभरी गराउने क्रममा शिशुको शिर नै चुाडिएर मृत्यु भएको हो । बाँकी शरीर डेढ घण्टापछि मात्र शल्यकि्रयाबाट निकालिएको छ । चिकित्सकका अनुसार सुत्केरीको अवस्था खतरामुक्त छ ।
  
  महिना नपुग्दै प्रशव पीडा भएपछि अस्पताल आएकी सविता बिहान साढे चार बजे धनुषा अस्पताल भर्ना भएकी थिइन् । अस्पतालमा विशेषज्ञ चिकित्सक थिएनन् । चार घण्टापछि साढे आठ बजेतिर अस्पतालकै एमबिबिएस चिकित्सक जयप्रकाश पण्डितले सबिताको पहिलो जाँच गरेका थिए ।
  
  पण्डितलाई सघाइरहेकी एक नर्सका अनुसार चिकित्सकले जाँच सुरु गर्दा नै पाठेघरको मुख खुलिसकेको थियो । पण्डितले तत्कालै मुख बन्द गर्न औषधी दिए पनि रोक्न नसकेपछि साढे १० बजेतिर आफैं लेबर रुम लगेको ती नर्से बताइन् । प्रसूति विज्ञबिनै पण्डितले जबरर्जस्ती बच्चा निकाल्न खोज्दा शिशुको टाउको छुटिटएको ती नर्सको भनाइ छ ।
  
  बिरामीको अवस्था असामान्य हुँदा विशेषज्ञ चिकित्सक बोलाउनुको साटो पण्डितले अस्पतालमै उपलब्ध नर्सको सहयोगमा असुरक्षित तरिकाले बच्चा निकाल्ने प्रयास गरेका थिए । घटनालगत्तै पण्डित फरार छन् ।
   

Comments

Other News

• • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  • गोली हानी श्रीमानद्वारा श्रीमतीको हत्या
  • नयाँ परीक्षा प्रणाली अनुसार सवारी ट्रायल सुरु
  • जुम्लाका महिलाहरु सरसफाई अभियानमा
  • नेकपा–माओवादीद्वारा बोर्डिङ कब्जा
  
• Show Older