News

• रुविना बनिन् मेधावी खेलाडी

  • Posted on: 2012-07-01

  काठमाडौ, १७ असार (ओएनएस) :  शहिद दशरथ चन्द मेधावी खेलाडी-२०६८ को सर्वोत्कृष्ट खेलाडीको उपाधी यु-१९ क्रिकेटकी कप्तान पूर्वाञ्चल झापाकी रुविना क्षेत्रीले प्राप्त गरेकी छिन् ।

   

  उनलाई भूतपूर्व प्रधानमन्त्री लोकेन्द्रबहादुर चन्दले १५ हजार एक सय एक रुपैयाँ नगद सहित प्रशंसा पत्रद्वारा सम्मान गरे ।  रुबिनालाई यो उपाधी एसिसी यु-१९ क्रिकेटमा नेपाललाई लगातार तीन पटक उपाधी दिलाउन सफल भएका कारण प्रदान गरिएको हो ।
   
  
  शहिद दशरथ चन्दको ११० औं जन्म जयन्ती तथा दशरथ चन्द मेमोरियल ट्रष्टद्वारा स्थापित मेधावी खेलाडी २०६८ प्रतिभा पुरस्कारको उत्कृष्ट खेलाडीहरुमा मध्यमाञ्चलबाट काठमाडौका सरोज महर्जन परेका छन् । ६० केजी तौल समूहमा उनले पाकिस्तानको ईस्लामावादमा सम्पन्न दक्षीण एशियाली जुडो च्याम्पियनसिपमा ब्यक्तिगत र टिममा स्वर्ण पदक प्राप्त गरेका थिए ।
  
  पश्चिमाञ्चलबाट म्याग्दीकी भारत्तोलनकी तारदेवी पुन छिन् । उनले ६९ केजी तौलमा नेपालगंजमा आयोजित प्रथम दक्षीण एशियाली भारोत्तलन प्रतियोगितामा स्वर्ण पदक प्राप्त गर्न सफल भएकी थिईन् ।
  
  यसैगरी मध्यपश्चिमाञ्चलबाट नेपालगंजका जुडो खेलाडी रोहीत कार्की छन् । उनले ६० केजी तौलमा काठमाडौमा आयोजित दक्षीण एशियाली क्याडेट जुडो च्याम्पियनसिपमा स्वर्ण पदक प्राप्त गरेका थिए ।

  सुदूरपश्चिमाञ्चलबाट कञ्चनपुरकी भारोत्तलन खेलाडी चम्पा ठकुल्ला रहेकी छिन् । उनले ७५ केजी तौलमा नेपालगंजमा आयोजित प्रथम दक्षीण एशियाली भारोत्तलन प्रतियोगितामा रजत र कास्य पदक प्राप्त गर्न सफल भएकी थिईन् ।
  उत्कृष्ट खेलाडीहरुले १० हजार एक सय एक रुपैयाँ नगद सहित प्रशंसा पत्र प्राप्त गरे ।
   

Comments

Other News

• • सिरहामा छुट्टाछुट्टै दुर्घटना, दुईको ज्यान गयो
  • भोजको विषयमा झडप हुँदा एक दर्जन घाइते
  • मृतक भनिएका जीवितै भेटिए
  • बेहुली लिन गएको जीप दुर्घटना भएपछि..
  • किरातहरूको साकेला उभौली आजदेखि
  • अवैध हतियारसहित तीन पक्राउ
  • गोविन्द मैनालीलाई झण्डै ६ करोड क्षतिपूर्ति
  • घुम्ती शिविरबाट गाउँलेको ४० लाख बचत
  • ट्रकको ठक्करबाट एक युवतीको मृत्यु
  
• Show Older