News

• हिरासतमा महिलामाथि हुने यातना बढदो

  • Posted on: 2012-06-25

   

  काठमाडौ, ११ असार (ओएनएस) : प्रहरी हिरासतमा महिलामाथि हुने यातना तथा अमानवीय व्यवहार निरन्तर बढिरहेको एउटा प्रतिवेदनले देखाएको छ । 
   
   
  यातनाविरुद्धको अन्तर्राष्ट्रिय दिवस (२६ जुन) को पूर्वसन्ध्यामा सोमबार एड्भोकेसी फोरम नेपालले सार्वजनिक गरेको नेपालमा महिलामाथिको यातनाः कानूनी अस्पष्टता र महिलाका पीडाप्रति राज्यको उदासीनता नामक प्रतिवेदनले प्रहरी हिरासतमा यातना पाउनेहरुको संख्या बढ्दै गएको देखाएको हो । 
   
  प्रतिवेदनले यातनापीडित महिलाहरुको आवश्यकतालाई सम्बोधन गर्ने प्रतिबद्धता जनाएपनि त्यसलाई पूरा गर्न सरकार असफल भएको प्रतिवेदनमा उल्लेख छ । 
   
  अध्ययन अनुसार, सन २०११ मा प्रहरी हिरासतमा हुने दुव्र्यवहारमा ५ प्रतिशतले बृद्धि भएको छ । एड्भोकेसी फोरमले भेटेका महिला थुनुवामध्ये १५.४ प्रतिशतले आफूहरूमाथि यातना, क्रुर अमानवीय व्यवहार वा अन्य दुव्र्यवहार भएको बताएका थिए । 
   
  यो प्रवृत्तिलाई अर्धवार्षिक आधारमा विश्लेषण गर्ने हो भने अझ भयावह दृश्य आउँछ,’ प्रतिवेदनमा भनिएको छ ।
   
  यस बर्ष पनि एड्भोकेसी फोरमले २० जिल्लाका ५७ थुनास्थलमा ४ हजार २ सय ४७ जना थुनुवालाई भेटेको थियो । जसमा ३ हजार ८ सय २८ पुरुष, ८ सय ४८ जना नाबालक र ४ सय १९ जना महिला थिए । 
   
  पुरुष थुनुवामध्ये २५.६ प्रतिशत र महिलामध्ये १५.४ प्रतिशतले आफूहरूलाई यातना दिइएको वा दुव्र्यवहार गरिएको भनी दाबी गरेका थिए । 
   
   

Comments

Other News

• • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  • गोली हानी श्रीमानद्वारा श्रीमतीको हत्या
  • नयाँ परीक्षा प्रणाली अनुसार सवारी ट्रायल सुरु
  
• Show Older