News

• पाचथरलाई खुल्ला दिशामुक्त क्षेत्र घोषणा गर्न पहल

  • Posted on: 2012-06-17

   

  लक्ष्मी गौतम /  फिदिम ,३ असार (ओएनएस) : पाचथर जिल्लाका राजनैतिक दल,संघ सस्था,सञ्चारक्षेत्र र नागरिक समाजका अगुवाहरुले चारवर्ष भित्र जिल्लालाई खुल्ला दिशामुक्त घोषणा गर्न आ आफ्नो क्षेत्रबाट पहल गर्ने सपथ खाएका छन् ।
   
  खानेपानी तथा सरसफाई सव डिभिजन कार्यालय पाचथरले फिदिममा आयोजना गरेको सरसफाई सम्वन्धि एकदिने कार्यशाला पछि जिल्ला स्थित वि भिन्न क्षेत्रका अगुवाहरुले यस्तो सपथ खाएका हुन्  ।
   
  सन २०१७ सम्ममा मुलुकलाई खुल्ला दिशामुक्त घोषणा गर्ने राष्ट्रिय कार्ययोजनाको मार्गदर्शन अनुसार आ आफ्नो संस्थाका प्रत्येक निकायसम्म सरसफाई अभियान र चर्पी निर्माणका लागि सकृय बन्नेछौं भनेर लेखिएको छ ।
   
  कार्यक्रममा पाचथर जिल्लाका सबै राजनैतिक दल,सञ्चार संस्था,नागरिक समाज र निजी क्षेत्रका प्रमुखहरु उपस्थित थिए ।
  पाचथर जिल्ला सहित मुलुकभरको खानेपानी र सरसफाईको अवस्था तथा २०१७ सम्ममा मुलुकलाई दिशामुक्त घोषणा गर्ने राष्ट्रिय अभियान सफल पार्न आ आफ्नो क्षेत्रबाट खेल्नु पर्ने भूमिका समेटेर गरिएका प्रस्तुती पछि जिल्लाका अगुवाहरुले पाचथरलाई सन् २०१६ भित्र नै खुल्ला दिशामुक्त जिल्ला घोषणा गरिसक्ने प्रतिबद्धता सहित सपथ खाएका थिए ।
   
  कार्यक्रममा उपस्थितहरुलाई खानेपानी तथा सरसफाई स्वच्छता समन्वय समितिका अध्यक्ष तथा स्थानीय विकास अधिकारी प्रदीपकुमार निरौलाले सपथ खुवाएका थिए ।
   
  ४१वटा गाउ विकास समिति रहेको पाचथर जिल्लामा हालसम्म २ वटा गाविस खुल्ला दिशामुक्त घोषणा भएका छन् भने २ वटा घोषणाको तयारीमा छन् ।
   
  सन् २०१६ सम्ममा जिल्लाका सबै बासिन्दासम्म  चर्पी र सरसफाईको पहुच पुर्‍याउने लक्ष राखिएकोमा अधिकांश गाविसमा अभियान शुरु भइसकेको खानेपानी तथा सरसफाई डिभिजन प्रमुख अनिलकुमार केशरीले जानकारी दिए ।
   
  पाचथर जिल्लामा नेपाल रेडक्रस सोसाइटी,सुनगाभा विकास संस्था,ग्रामिण सामुदायिक विकास केन्द्र र बैकल्पिक उर्जा विकास केन्द्र लगायतका संस्थाले काम गरिरहेका छन् ।
   
   
   
   

Comments

Other News

• • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  • मान्छे खाने बाघ आफै मरेपछि (फोटो फिचर)
  • सद्भावनाको अनशन स्थगित
  • लेवनानमा नेपाली सैनिकको मृत्यु
  
• Show Older