News

• मोरङका सात विद्यालयको नतिजा शुन्य

  • Posted on: 2012-06-16

   

  मोरङ, २ असार (ओएनएस) : मोरङ जिल्लाका सातवटा विद्यालयको यस वर्षको एसएलसी परीक्षा परिणाम शून्य रहेको छ । तीमध्ये छवटा सामुदायिक र एउटा संस्थागत विद्यालय रहेका छन् ।
   
   
  जिल्ला शिक्षा कार्यालयका अनुसार सामुदायिक विद्यालयमा कल्याणकारी मावि सिंहदेवी, शिक्षा सदन मावि वयरवन, भोगटेनी मावि भोगटेनी, रामपुर मावि भोगटेनी, महेन्द्र मावि मझारे, सार्वजनिक मावि वैजनाथपुर र संस्थागतमा बालवाटिका बोर्डिङ स्कुलबाट कुनै पनि विद्यार्थी उत्तीर्ण हुन सकेनन् ।
   
  कार्यालयबाट उपलब्ध विवरणअनुसार यस वर्ष जिल्लामा नियमित तर्फ ४५ प्रतिशत विद्यार्थीमात्र उत्तीर्ण भएका छन् । परीक्षामा सहभागी कुल १५ हजार ४८६ विद्यार्थीमध्ये ६ हजार ९४२ मात्र उत्तीर्ण भएका छन् । उत्तीर्णहुनेहरुमा विशिष्टतर्फ ९१२, प्रथम श्रेणीमा तीन हजार १९७, दितीयमा दुई हजार ५३१ र तृतीय श्रेणीमा ३०२ जना उत्तीर्ण भएका बताइएको छ । 
   
  बालकल्याण विद्या मन्दिर विराटनगर-१५ का विद्यार्थी अरुण कालिकोटले यस वर्षको एसएलसी परीक्षामा नेपालमै सर्वत्कृष्ट उच्च स्थान हासिल गरेको विद्यालयले जनाएको छ । उनले ७५९ अर्थात ९४ दशमलव ८७ अङ्क हासिल गरेका विद्यालयले जनाएको छ।यसैबीच, परीक्षामा उनुत्तीर्णभएकोमा एक छात्राले आत्महर्या गरेकी छिन्। विराटनगर-२० बस्ने छात्रा मधु देवानले मुसा मार्न विष सेवन गरी आत्महर्या गरेकी प्रहरीले जनाएको छ। कोसी अञ्चल अस्पतालमा उपचारका क्रममा निजको मृत्यु भएको हो।
   

Comments

Other News

• • सगरमाथा हीरक महोत्स मनाइदै
  • रिड नेपाललाई एक लाख अमेरिकी डलरको पुरस्कार
  • हेलिकप्टर दुर्घटना भएको झुटो हल्ला गर्ने पक्राउ
  • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  • सिर्जना प्रतिष्ठानको 'अनुपम' लोकार्पण
  • पैँसट्ठी हजारमा सम्बन्धविच्छेद !
  • गर्मीसँगै भेडेटारमा पर्यटक बढे
  
• Show Older