News

• गुन्द्री बनाउने काममा भ्याइनभ्याइ

  • Posted on: 2012-06-11
  

  शुभ नारायण यादब /  सप्तरी, २९ जेठ (ओएनएस) :घरमा फुर्सदिला सप्तरी पोर्ताहा गाविस ५ सरदार टोलका दलित महिलाहरुलाई हिजोआज पटेरको गुन्द्री बनाउने काममा भ्याइनभ्याई छ। 

  घरेलु तथा साना उद्योग कार्यालय सप्तरीले यहाका दलित महिलाहरुलाई पटेरको गुन्द्री बनाउने ७ दिने आधारभूत तालिम दिएपश्चात् उनीहरु  गुन्द्री बनाउनमै व्यस्त छन् ।
   
   तालिम लिइएका २२ जना महिलाहरु रुखमुनि भेला भई कुराकानीसागै उनीहरु दिनभरी पटेरको गुन्द्री बनाउनमै व्यस्त हुन्छन् । यसअघि हामीहरुले त्यत्तिकै बसेर कुराकानी गरी समय बिताउने गरेका थियौं, तर तालिम पश्चात दिनभरी गुन्द्री बनाएर राम्रो आम्दानी गरिरहेको मायादेवी सरदारको भनाई छ। 
   
  घरको काम बाहेक फुर्सदको समयमा गुन्द्री बनाउदा एक दिनमा ३ वटा देखि ५ वटा सम्म निर्माण गर्ने गरेको अर्का सहभागी महिला सुशिला देवीको भनाई रहेको छ ।
   
  घरेलु तथा साना उद्योग कार्यालयले  मा लक्ष्मी समुह पोर्ताहा ५ का २२ जना महिलाहरुलाई पटेरको गुन्द्री बनाउने तालिम दिएको थियो । तालिम पश्चात आफुहरु दिनमा ५ वटा सम्म गुन्द्री बनाईरहेको बताउछिन्, चिन्ति कुमारी सरदार । 
   
  आफूले बनाएको गुन्द्री नजिकैको भारदह, कंचनपुर, हनुमाननगर सहित सदरमुकाम राजविराजसम्म पुगेर बेचविखन गर्दै आएको लक्ष्मी सरदारको भनाई रहेको छ । गुन्द्री बनाएर छोराछोरीको लालनपालनसागै घर परिवार चलाइरहेको अर्का महिला साजो देवी बताउछिन् ।
   
  यसमाथि केही काम पर्दा दश रुपैया पनि श्रीमानसग माग्नु परेको थियो, तर अब अहिले आफूहरु स्वयम् गुन्द्री बनाएर घर परिवार चलाउदै आएको उनीहरु बताउछिन् । 
   
  गुन्द्री बनाएर अहिले त्यहाका महिलाहरु मासिक १० देखि २५ हजार सम्म आम्दानी गर्दै आएकी छिन । गुन्द्रीबाट हाल उनीहरुले आत्मनिर्भर बन्दै गएकी छिन । 
   
   
   

Comments

Other News

• • फर्जी विद्यार्थी विरुद्ध अनशन
  • विद्यार्थी बीच झडप, २४ बढी घाइते
  • हत्याको विरोधमा विराटनगर बन्द
  • सगरमाथा हीरक महोत्स मनाइदै
  • रिड नेपाललाई एक लाख अमेरिकी डलरको पुरस्कार
  • हेलिकप्टर दुर्घटना भएको झुटो हल्ला गर्ने पक्राउ
  • भवन भत्किएर पुरिँदा एक जनाको मृत्यु
  • डाईभर्सन भत्किएपछि सवारी आवागमन अवरुद्ध
  • १५ प्रजातिका नयाँ चरा थपिए
  
• Show Older