प्रधानमन्त्रीले भने-‘अब सुदूरपश्चिमलाई अझ सुन्दर र विकसित बनाउनु पर्छ’

23
  •  
  •  
  •  

काठमाडौं, ३१ भदौँ (ओएनएस) : प्रधानमन्त्री केपी शर्मा ओलीले दुर्इ तिहाइकाे स्थीर सरकार देशकाे अार्थिक समृद्धि र विकासकाे लागि तत्पर रहेकाे अब सुदूरपश्चिमलाई सुन्दर र अझ विकासित बनाउनु पर्ने बताएका छन्।

सुदूरपश्चिमाञ्चल विश्वविद्यालयको सातौँ विश्वविद्यालयसभाकाे प्रधानमन्त्री निवास बालुवाटारमा उद्घाटन गर्दै प्रम अाेलीले प्राकृतिक स्रोतले भरिपूर्ण सुदूरपश्चिममा आवश्यक पर्ने कृषि, इञ्जिनीयरिङजस्ता प्राविधिक जनशक्ति आदि सुदूरपश्चिमाञ्चल विश्वविद्यालयले उत्पादन गरेमा शिक्षामा एक वर्षभित्र गुणात्मक परिवर्तन हुने बताए ।

विश्वविद्यालयका कुलपतिसमेत रहेका प्रधानमन्त्री ओलीले विश्वविद्यालयका सम्बन्धमा उठेका विभिन्न गुनासाका सम्बन्धमा छानबिन गर्न दुई समिति गठन गरेका छन् ।

विश्वविद्यालयमा समायोजन भएका आङ्गिक क्याम्पसको अवस्था बुझ्न राष्ट्रिय योजना आयोगका सदस्य उषा झाको नेतृत्वमा र आर्थिक विषयमा उठेका गुनासाका विषयमा छानबिन गर्न अर्थ मन्त्रालयका सचिवको नेतृत्वमा समिति गठन गरिएको हो ।दुवै समितिलाई १५ दिनभित्र प्रतिवेदन प्रधानमन्त्रीलाई बुझाउन निर्देशन दिइएको छ।समितिको प्रतिवेदन अध्ययन गरेर विश्वविद्यालयसभाको बैठक पुनः आयोजना गर्ने गरी स्थगन गरिएको छ ।


  •  
  •  
  •  

LEAVE A REPLY

Please enter your comment!
Please enter your name here